Heimsókn starfsmanna ríkissaksóknara Eistlands
22. október 2021
Síðastliðinn mánudag kom sex manna hópur starfsmanna ríkissaksóknara Eistlands í þriggja daga námsferð til Íslands til að fræðast um ýmis málefni opinberrar stjórnsýslu hér á landi.
![](https://images.ctfassets.net/8k0h54kbe6bj/28ec9Gq7YO2wjUAdAt7u9w/f7b1b47827878c1577c1cdb4033f0165/heimsokn-fra-Eistlandi.jpeg?w=50&fm=webp&q=80)
![Heimsókn starfsmanna ríkissaksóknara Eistlands](https://images.ctfassets.net/8k0h54kbe6bj/28ec9Gq7YO2wjUAdAt7u9w/f7b1b47827878c1577c1cdb4033f0165/heimsokn-fra-Eistlandi.jpeg?w=774&fm=webp&q=80)
Síðastliðinn mánudag kom 6 manna hópur starfsmanna ríkissaksóknara Eistlands, þ.m.t. ríkissaksóknarinn Andres Parmas, í þriggja daga námsferð til Íslands til að fræðast um ýmis málefni opinberrar stjórnsýslu hér á landi. Má þar nefna skipulag og verkefni ríkissaksóknara og annarra réttarvörsluaðila, gagnavörslu, menntun og þjálfun starfsmanna og fjármögnun stofnana.
Námsferðin var farin í kjölfar þess að embætti ríkissaksóknara Eistlands hafði hlotið styrk vegna verkefnisins frá „The Nordic-Baltic Mobility Programme for Public Administration“.
Námsferðin hófst með sameiginlegum fundi ríkissaksóknara og héraðssaksóknara með starfsmönnum ríkissaksóknara Eistlands. Hópurinn heimsótti einnig dómstólasýsluna, dómsmálaráðuneytið, lögreglustjórann á höfuðborgarsvæðinu og Barnahús.