Á fundinum, sem haldinn var í Nuuk, fengu fundarmenn fræðslu um verkefni ákæruvaldsins og lögreglunnar á Grænlandi, sem og verkefni dómstóla og fangelsismálayfirvalda þar í landi, en starfsemi nefndra stofnana þarf m.a. að taka mið af gríðarlegum fjarlægðum á milli staða sem ekki er einfalt að ferðast á milli og þeim áskorunum sem eru til staðar vegna sérstöðu grænlenskunnar sem tungumáls. Einnig heimsóttu fundarmenn umboðsmann danska ríkisins á Grænlandi (Rigsombudsmanden i Grønland), sem annast þá málaflokka stjórnsýslunnar sem eru ekki undir heimastjórninni á Grænlandi, og varnarsveit danska hersins á Grænlandi (Arktisk Kommando).