Heildarfjárhæð til úthlutunar árið 2026 er um 10,7 milljónir evra.
Nánari upplýsingar, leiðbeiningar og samstarfsaðila er að finna á heimasíðu Nordplus

Áhersla Nordplus 2026

Árið 2026 verður lögð áhersla á þemað „Aukin þekking og færni til að styrkja samkeppnishæfni Norðurlanda og Eystrasaltsríkjanna.“ Það er þó ekki skilyrði fyrir styrk að umsóknin tengist beint árlegu áhersluatriði – allar umsóknir eru metnar út frá gæðum og markmiðum verkefnisins.

Fyrirspurnir sendist á netfangið: nordplus@rannis.is

Nordplus áætlanir 2023–2027

Nordplus inniheldur fimm undiráætlanir sem ná yfir öll stig menntunar:

• Nordplus Junior: Styrkir fyrir grunn- og framhaldsskóla og leikskóla

• Nordplus Higher Education: Styrkir fyrir háskólastig

• Nordplus Adult: Styrkir fyrir fullorðinsfræðslu

• Nordplus Horizontal: Þverfagleg verkefni og samstarfsnet

• Nordplus Nordic Languages: Verkefni sem efla norræn tungumál

Um Nordplus

Nordplus er stærsta menntaáætlun Norrænu ráðherranefndarinnar og hvetur skóla, stofnanir og samtök á sviði menntunar og þjálfunar til að sækja um styrki fyrir alþjóðlegt samstarf, starfsmanna- og nemendaskipti, sameiginleg verkefni og samstarfsnet milli menntastofnana í Danmörku, Eistlandi, Færeyjum, Finnlandi, Grænlandi, Íslandi, Lettlandi, Litháen, Noregi, Svíþjóð og á Álandseyjum.