NOS-HS kallar eftir umsóknum um rannsóknanet (exploratory networks). Auglýsingin er opin og varðar grunnrannsóknir á sviði hug- og félagsvísinda. Ætlunin er að skapa tækifæri fyrir vísindafólk á fyrri hluta ferilsins (early-carreer researchers) til að byggja upp norræn rannsóknanet og styðja nýskapandi rannsóknir.

Vefkynning 9. febrúar

Nordforsk verður með vefkynningu og spurningar og svör 9. febrúar kl. 9 að íslenskum tíma:
Skrá mig á kynninguna.

Tengslalisti

Viltu tengjast öðru vísindafólki sem hefur áhuga að sækja um? Hægt er að skrá sig á tengslalista fyrir 15. mars nk.:
Skrá mig á tengslalista

Umsóknarfrestur, fjárhagur og auglýsing

• Skilafrestur er 15. apríl 2026, kl. 12 að íslenskum tíma.

• Fjárhæð til úthlutunar er allt að 33 milljónir norskra króna (NOK).

• Verkefni geta sótt um allt að 1,5 milljónir norskra króna (NOK).

• Frétt Nordforsk um styrkina.

Helstu þátttökuskilyrði

• Rannsóknastofnanir frá a.m.k. fjórum Norðurlandanna verða að taka þátt. Norðurlöndin er skilgreind sem: Danmörk, Finnland, Ísland, Noregur, Svíþjóð, Færeyjar, Grænland og Álandseyjar.

• Rannsóknaverkefnið skal hýsa hjá rannsóknastofnun í einhverju Norðurlandanna (rannsóknastofnun er lögaðili, opinber eða einkarekinn, sem hefur það aðalmarkmið að stunda rannsóknir, og greiðir ekki arð af starfsemi sinni).

• Verkefnisstjóri verður að vera vísindamaður með 2-7 ára reynslu frá doktorsprófi og ráðinn hjá viðkomandi rannsóknastofnun á meðan á verkefninu stendur.

Sjá nánar um skilyrði í auglýsingu Nordforsk.

Um NOS-HS

NOS-HS er samstarfsvettvangur fjármögnunaraðila rannsókna í Danmörku, Finnlandi, Íslandi, Noregi og Svíþjóð, á sviði hug- og félagsvísinda.