Bólusetning gegn árlegri inflúensu mun hefjast á hefðbundnum tíma hérlendis en búist er við að bólusetning forgangshópa geti hafist um allt land eftir miðjan október. Þetta kemur fram í tilkynningu landlæknisembættisins.

Allar ákvarðanir um framkvæmd og fyrirkomulag bólusetninga er í höndum sóttvarnalæknis sem hefur mælst til að ákveðnir áhættuhópar njóti forgangs við inflúensubólusetningu:

• Einstaklingar 60 ára og eldri

• Öll börn fædd 1.1.2020-30.6.2023 sem hafa náð 6 mánaða aldri þegar bólusett er

• Börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum

• Barnshafandi konur

• Heilbrigðisstarfsmenn sem annast einstaklinga í áhættuhópum sem taldir eru upp hér að ofan

Upplýsingar um bóluefnið sem bólusett verður með

Veturinn 2023-2024 verður notast við Vaxigrip Tetra til bólusetningar gegn árlegri inflúensu annað árið í röð skv. ákvörðun sóttvarnalæknis. Sóttvarnalæknir hefur gert samning við Vistor um kaup á 95.000 skömmtum fyrir veturinn. Vaxigrip Tetra er annað tveggja inflúensubóluefna sem eru á markaði á Íslandi, hitt er Influvactetra.

Veirustofnar í Vaxigrip Tetra

• A/Victoria/2570/2019 (H1N1)pdm09 - líkur stofn

• A/Darwin/9/2021 (H3N2) - líkur stofn

• B/Austria/1359417/2021 - líkur stofn

• B/Phuket/3073/2013

Skammtar bóluefnisins

VaxigripTetra

Fullorðnir: Einn 0,5 ml skammtur.

Börn 6 mánaða til 17 ára að aldri: Einn 0,5 ml skammtur.

Börnum yngri en 9 ára að aldri, sem ekki hafa verið bólusett áður, á að gefa annan 0,5 ml skammt eftir 4 vikur.

Nánari upplýsingar um VaxigripTetra fyrir bólusetta er að finna í fylgiseðliog upplýsingar fyrir heilbrigðisstarfsfólk er að finna í samantekt á eiginleikum lyfsins.

Nánari upplýsingar um skipulag bólusetninga fást hjá veitendum heilbrigðisþjónustu .

• Upplýsingar um bólusetningu gegn inflúensu á vef sóttvarnalæknis