Þunglyndis- og kvíðateymið er þverfaglegt göngudeildarteymi sem veitir greiningu og meðferð við alvarlegum kvíða- og þunglyndisröskunum þegar vægari meðferðir hafa ekki skilað árangri.

Þjónustulínur teymisins

Meðferð og greining

• Kvíðaraskanir: Alvarlegar kvíðaraskanir líkt og áráttu- þráhyggjuröskun, félagsfælni, heilsukvíði, ofsakvíði með eða án víðáttufælni, líkamsskynjunarröskun og almenn kvíðaröskun.

• Þunglyndi: Alvarlegt og endurtekið þunglyndi sem skerðir lífsgæði verulega.

Greining á samsettum geðvanda

• Sérhæfð greining og mat þar sem þörf er á mismunagreiningu til að ákvarða viðeigandi meðferð.

Meðferð fyrir nýútskrifaða af móttökugeðdeild – Byggjum brú

• Veitir áframhaldandi stuðning fyrir einstaklinga sem hafa nýlega útskrifast eftir innlögn vegna sjálfsvígshættu, þunglyndis eða kvíðaraskana.

• Meðferðin felur í sér grunnhópa tvisvar í viku og einstaklingsviðtöl. Einnig er fjölskyldustuðningur í boði fyrir skjólstæðinga sem eiga börn undir 18 ára aldri.

• Dvalartími er að jafnaði þrjár vikur með möguleika á áframhaldandi þjónustu ef þörf krefur.