Dagdeild fíknimeðferðar Teigur

er eining innan meðferðareiningar geð- og fíknisjúkdóma Landspítala. Meðferðin á Teigi er:

• fimm vikna löng

• mætt er á hverjum virkum degi frá klukkan 10-12

Á deildinni er lögð mikil áhersla á að greina og kortleggja sem best heildarvanda þeirra sem sækja þjónustuna og veita eftir fremsta megni meðferð við því sem talið er að hindrað geti einstaklinginn í að ná að byggja upp líf án vímugjafa.

Meðferðin á Teigi:

• byggir á hugmyndafræði hugrænnar atferlismeðferðar þar sem bæði er unnið með vímuefnavandann og annan tilfinningavanda

• er hópmeðferð þar sem sálfræðingar og áfengisráðgjafi sjá um dagskrá hóptímanna.

Auk þess hafa allir sinn einstaklingsmeðferðaraðila sem þeir hitta í vikulegum viðtölum meðan á meðferðinni stendur.

Ferlið á Teigi:

• Beiðni um meðferð samþykkt

• Fyrsta einstaklingsviðtal

• Undirbúningshópur/grunnhópur: tvisvar í viku, klukkutíma í senn þar til röðin kemur að því að hefja meðferðina sjálfa, yfirleitt tvær til þrjár vikur

• Dagdeildarmeðferð á Teigi: alla virka daga kl 10 – 12 í fimm vikur

• Regluleg einstaklingsviðtöl samhliða hópmeðferðinni, bæði í undirbúningshóp og í dagdeildarmeðferðinni sjálfri.

• Eftir meðferðina: vikulegur stuðningur í hóp í tólf vikur

• Mikilvægt er að mæting sé góð í meðferðina svo hún komi að fullu gagni!

Tilvísanir og skilyrði fyrir meðferð

Deildin tekur við tilvísunum meðal annars frá bráðamóttökum Landspítala, öðrum deildum spítalans, öðrum heilbrigðisstofnunum, sjálfstætt starfandi fagaðilum, barnavernd og félagsþjónustu sveitarfélaga og Virk starfsendurhæfingu.

• Skilyrði fyrir meðferð á Teigi er að hafa hætt notkun vímugjafa.

• Stefnt er að áframhaldandi edrúmennsku.

• Ekki er veitt fráhvarfsmeðferð á Teigi.