Deildin sinnir sjúklingum með taugasjúkdóma og veitir sérhæfða greiningu, meðferð og stuðning.

Tekið er á móti sjúklingum af öllu landinu

Deildin tekur á móti öllum með sjúkdóma í heila og mænu, svo sem:

• Blóðrásartruflanir í heila

• Hreyfitaugungahrörnun (MND)

• Heila- og mænusigg (MS)

• Flogaveiki

• Parkinson (PD)

• Guillain-Barré heilkenni (GBS)

• Myastenia Gravis (MG)

Flestir sjúklingar koma í gegnum bráðadeild Landspítala.

Deildin veitir skýrar upplýsingar um:

• sjúkdómsástand

• rannsóknir og meðferð

• hjúkrun og batahorfur

Áhersla er lögð á góð samskipti við sjúklinga og fjölskyldur þeirra.

Stuðningur í meðferð

• Sjúkraþjálfarar og iðjuþjálfar veita meðferð og ráðgjöf um hreyfigetu og daglegt líf.

• Félagsráðgjafar veita aðstoð við réttindamál, búsetuúrræði og færni- og heilsumat.

• Talmeinafræðingar meta kyngingu og talgetu sjúklinga.

• Næringarfræðingar veita ráðgjöf við vökva- og næringarinntekt.

• Sálfræðingur veitir sálrænan og andlegan stuðning og meðferð.