Taugaendurhæfing

Deildin er ætluð sjúklingum sem þurfa áframhaldandi endurhæfingu eða læknismeðferð eftir alvarleg veikindi. Öldrunarlæknar meta hvort úrræðið henti.

• Flestir sjúklingar glíma við fjölþættan heilsufarsvanda, skerta færni, vitræn einkenni eða félagslegar áskoranir.

• Sjúklingar fara í nauðsynlegar rannsóknir og fá sérfræðiþjónustu eftir þörfum. Meðallegutími er 4 til 6 vikur, en getur verið styttri eða lengri.

• Lögð er áhersla á virkni og sjúklingar eru hvattir til að vera á fótum, klæðast eigin fötum, borða í matsal og taka þátt í þjálfun.

• Markmiðið er að sjúklingar útskrifist heim með viðeigandi stuðningi. Ef heimferð er ekki möguleg vegna heilsu eða færniskerðingar, er unnið að færni- og heilsumati í samvinnu við sjúkling og aðstandendur, sem jafnframt er umsókn um hjúkrunarheimili.

• Fái sjúklingur umsókn á hjúkrunarheimili samþykkta, velur hann hjúkrunarheimili sem hann vill dvelja á. Mælt er með að sjúklingur velji að minnsta kosti 3 heimili.

Landspítali er með biðpláss á L-3 á Landakoti og einnig er biðdeild á Vífilsstöðum. Vífilsstaðir eru reknir af Heilsuvernd. Stundum bjóðast biðpláss á hjúkrunarheimilum á höfuðborgarsvæðinu.