Á Landspítala Hringbraut er apótek sem afgreiðir lyfseðla, aðallega fyrir göngudeildarsjúklinga og sjúklinga sem eru að útskrifast.

Afgreiðsla lyfseðla

Hægt er að biðja um afgreiðslu á lyfseðlum (rafrænum eða í geymslu) með því að:

• hringja í síma 543 8234 virka daga milli 8 og 10, til að fá lyf afgreidd samdægurs

• senda tölvupóst á lyfsedlar@landspitali.is (setja þarf símanúmer með), til að fá lyf afgreidd eftir 1-2 daga.

Lyfjaskömmtun

Apótek bjóða upp á lyfjaskömmtun, þar sem lyf eru sett í merktar umbúðir fyrir hverja lyfjatöku. Þetta eykur öryggi í lyfjameðferð og getur til lengri tíma verið hagkvæm lausn fyrir sjúklinga.

Til að hefja lyfjaskömmtun þarf læknir að merkja við „Afgreiðist í skammtaöskju“ á lyfseðli.

Mikilvægt er að taka lyf alltaf samkvæmt fyrirmælum. Ef spurningar eða áhyggjur vakna er best að hafa samband við þann lækni sem ávísaði lyfinu eða heimilislækni.

Endurnýjun lyfseðla

Ef þarf að endurnýja lyfseðla síðar er það yfirleitt hlutverk heilsugæslu eða viðkomandi læknastofu að sjá um það.

Undantekning gildir um sérmerkt undanþágulyf sem aðeins ákveðnir sérfræðilæknar mega ávísa. Í slíkum tilvikum þarf að hafa samband við ritara viðkomandi sérgreinar, til dæmis ritara taugalækna vegna endurnýjunar sérmerktra taugalyfja.