Líknarráðgjafateymið

Líknarráðgjafateymið veitir sérhæfða líknarþjónustu og ráðgjöf bæði innan og utan Landspítala. Markmiðið er að bæta líðan og lífsgæði sjúklinga með langvinna eða lífsógnandi sjúkdóma, svo sem krabbamein, hjarta-, lungna-, tauga- og nýrnasjúkdóma.

Hvað felst í líknarmeðferð?

• Bætt líðan og lífsgæði: Meðferðin fyrirbyggir og meðhöndlar einkenni sjúkdóma og aukaverkanir meðferðar.

• Heildræn nálgun: Lögð er áhersla á líkamleg, andleg, sálræn og félagsleg áhrif sjúkdóma.

• Samráð og stuðningur: Samræður um stöðu sjúkdóms, meðferðaráætlanir og óskir sjúklings eru í forgrunni.

Þjónusta líknarráðgjafateymis

• Ráðgjöf og stuðningur: Teymið veitir sjúklingum og aðstandendum ráðgjöf á göngudeild og með símaeftirfylgd.

• Samvinna við heilbrigðisstarfsfólk: Teymið er heilbrigðisstarfsfólki til ráðgjafar varðandi einkennameðferð, samskipti og undirbúning útskrifta með þörf á heimaþjónustu eða innlögn á líknardeild.

• Fræðsla og rannsóknir: Teymið sinnir kennslu, rannsóknum og þróunarvinnu á sviði líknarmeðferðar.

Líknarmeðferð hefst oft samhliða annarri meðferð og getur fylgt sjúklingi frá greiningu sjúkdóms til lengri tíma. Áhersla er lögð á heildræna þjónustu sem styður bæði sjúklinga og aðstandendur í aðlögun að breyttum aðstæðum.

Tilvísanir

Allar fagstéttir geta leitað til teymisins.

• Innan Landspítala eru beiðnir sendar á líknarráðgjafateymi sem ,,beiðni um ráðgjöf" í Sögu

• Utan Landspítala er send „tilvísun“ í Heilsugátt

Starfmenn teymisins meta beiðnina innan sólarhrings.

Netfang teymis: liknarteymi@landspitali.is