Í iðjuþjálfun Fossvogi starfa iðjuþjálfar og aðstoðarmenn.

Markmiðið er að efla og viðhalda líkamlegri, andlegri og félagslegri færni í daglegu lífi

Iðjuþjálfar sinna öllum deildum eftir þörfum og þjónusta einstaklinga sem þurfa aðstoð við að bæta færni sem skerðist við slys eða veikindi.

Færnisskerðing getur tengst því að sinna:

• daglegum viðfangsefnum

• eigin umsjá

• heimili,

• fjölskyldu og vinum

• tómstundaiðju

• námi og/eða vinnu.

Mat

Iðjuþjáfi metur í samvinnu við einstakling, og jafnvel nánustu aðstandendur, hvaða skyldur eru honum mikilvægar og hvað hann langar til að geta gert. Út frá því mati er veitt:

• fræðsla

• ráðgjöf

• þjálfun

eftir þörfum hverju sinni. Við mat á færni og getu eru í flestum tilvikum notuð viðurkennd matstæki, spurninga- og gátlistar.

Iðjuþjálfun í Fossvogi er skjólstæðings- og iðjumiðuð.

Iðjuþjálfar vinna fyrst og fremst eftir Kanadíska færnilíkaninu (CMOP-E) þar sem unnið er að því að efla iðju og lögð er áhersla á samspil einstaklings, iðju og umhverfis.

Iðjuþjálfar sinna yfirgripsmiklu heildrænu mati á færni skjólstæðinga sinna.

• Eftir því sem við á er færni skjólstæðings metin við athafnir daglegs lífs (ADL), gerð er skimun á vitrænni getu, aðstæður skjólstæðings metnar svo og hjálpartækjaþörf.

• Við mat á færni og getu eru í flestum tilvikum notuð viðurkennd stöðluð matstæki, spurninga- og gátlistar.

Beiðnir um iðjuþjálfun

Beiðnir berast frá deildum spítalans ýmist frá læknum, hjúkrunarfræðingum eða öðru fagfólki. Í samráði við teymi hverrar deildar er gerð áætlun um meðferð.