Sykursýki, diabetes, þýðir að blóðsykur er hækkaður miðað við eðlileg gildi. Þetta er sjúkdómur sem upp kemur vegna lélegrar virkni og/eða framleiðslu insúlíns í líkamanum. Insúlín er hormón sem er nauðsynlegt til að sykur komist úr blóðinu og inn í frumur líkamans og nýtist þar sem orka. Ef virkni og/eða framleiðsla insúlíns er léleg nýtast kolvetni úr fæðunni ekki sem skyldi og blóðsykur hækkar.

Eftirfarandi eiga að vera í eftirliti á göngudeild:

• Sykursýki tegund 1

• Sykursýki tegund 2 - sjúklingar með svæsna fylgikvilla eða í mikilli hættu á fylgikvillum:

  • Virkt fótasár eða saga um fótasár/vandamál

  • Svæsinn augnkvilli

  • Svæsinn taugakvilli

  • Nýrnakvilli

• Sjúklingar með sykursýki 2 sem:

• erfiðlega gengur að ná markmiðum

• eru á flókinni og fjölþættri lyfjameðferð

• eru á flókinni insúlínmeðferð
  

Athugið: Eingöngu er tekið við nýjum sjúklingum á göngudeild sykursýki eftir tilvísun frá lækni.

Blóð- og þvagprufur

• Teknar á rannsóknardeild í Fossvogi eða á göngudeild 10E við Hringbraut. Sjá nánar um blóðprufur

• Láttu vita að þú sért að fara í viðtal á göngudeild sykursýki.

• Komdu í prufur nokkrum dögum fyrir viðtalið

• Skila skal miðbunu morgunþvagi einu sinni á ári eða samkvæmt fyrirmælum læknis.

Mælingar við komu

• Teknar eru mælingar á blóðþrýstingi, hæð, þyngd og mittismáli.

Taktu með þér

• Ef þú notar insúlíndælu eða sírita er mikilvægt að þú hlaðir upp gögnum úr tækjunum fyrir komu. Ef vandamál koma upp við upphleðslu er hægt að fá aðstoð á göngudeildinni.

• Ef þú notar blóðsykursmæli er mikilvægt að þú takir með þér niðurstöður mælinga.

• Ef þú mælir blóðþrýsting heima þá vinsamlega taktu þær skráningar með þér