Geðgjörgæslan (deild 32C) er 10 rúma legudeild sem þjónar öllu landinu. Þar er veitt sérhæfð meðferð og umönnun fyrir einstaklinga með alvarleg geðræn einkenni. Á deildinni:

• eru 10 einbýli í tveimur kynjaskiptum álmum.

• er eitt öryggissvæði sem er einungis notað þegar brýn þörf er á að einstaklingur fái meðferð í umhverfi þar sem áreiti er takmarkað.

• eru þrjár dagstofur, slökunarherbergi, virkniherbergi og tómstundaherbergi þar sem áhersla er lögð á hlýlegt, rólegt og öruggt umhverfi.

Meðferð

• Meðferð á deildinni er einstaklingsmiðuð og skipulögð af meðferðarteymi í samstarfi við sjúkling.

• Gagnreynd þekking og hugmyndafræði um geðgjörgæslu eru í fyrirrúmi. Unnið er eftir hugmyndafræði um öruggar sjúkradeildir: “Safewards” sem fjallar um heildræna umgjörð hjúkrunar og stjórnunar á geðdeildum.

• Leitað er eftir samvinnu við nánustu aðstandendur í samráði við sjúkling og þeim boðinn stuðningur á meðan meðferð stendur.

Myndband um geðgjörgæslu fyrir fólk í bráðum veikindum