Allir reikningar vegna kaupa Landspítala á vöru og þjónustu skulu vera sendir með rafrænum hætti í gegnum skeytamiðlun. Reikning skal gefa út samkvæmt gildandi tækniforskrift Staðlaráðs fyrir rafrænan reikning, TS-236 sem er samhæfð evrópska staðlinum CEN EN-16931 og PEPPOL BIS.

• Pappírsreikningar sem eru útgefnir munu verða endursendir og kallað eftir rafrænum reikningum.

• Ekki er tekið við PDF reikningum í gegnum tölvupóst.

• Greiðsluseðill eða innheimtukrafa er ekki reikningur.

Aðilum sem eru án bókhaldskerfis er bent á að á markaði eru ýmis bókhaldskerfi sem rekstraraðilar geta nýtt sér til að gefa út rafræna reikninga og halda utan um sitt bókhald.

Einnig býður Fjársýslan upp á einfalda skráningarsíðu, skuffan.is þar sem hægt er að skrá reikning og senda til ríkisstofnunar.

Ef reikningur uppfyllir ekki þessi skilyrði áskilur Landspítali sér rétt til að endursenda hann.

Gjaldfrestur er almennt líðandi mánuður + 30 dagar frá afhendingu vöru eða þjónustu. Þó að lágmarki 25 dögum frá afhendingu reiknings hjá skeytamiðlara.

Landspítali greiðir reikninga með millifærslu.

Kreditreikningar þurfa að berast rafrænt í gegnum skeytamiðlara og tilgreina þarf á kreditreikningum eftirfarandi:

• Ástæða leiðréttinga

• Númer áður útgefins reiknings

• Ef númer reiknings liggur ekki fyrir til dæmis vegna vöruskila þá þarf að koma fram eitthvað af eftirtöldu;

  • kostnaðar viðfangsnúmer

  • Pöntunarnúmer

  • verknúmer + verkþáttur.