Brotaendurhæfing

Markmið endurhæfingar er að einstaklingar nái bættri hreyfigetu, fái aukið öryggi og geti sjálfstætt leyst af hendi flestar athafnir daglegs lífs. Hvatt er til sjálfshjálpar og þátttöku í daglegum athöfnum og máltíðum.

• Sjúklingar bera ábyrgð á eigin þjálfun, taka þátt í gönguferðum og sinna æfingum sem þeim hafa verið settar fyrir. Mikilvægt er að nýta þjálfunina vel og æfa oft yfir daginn.

• Sjúklingar eru sendir í nauðsynlegar rannsóknir og leitað er ráðgjafar frá öðrum sérfræðingum Landspítala ef þarf.

• Legutími er oft 2 til 3 vikur og að hámarki 4 vikur. Útskrift er miðuð við fyrsta tækifæri út frá ástandi sjúklings.

• Sjúklingar eru hvattir til að vera á fótum, klæða sig í eigin föt og borða í matsalnum.

• Aðstandendur eru hvattir til að fara út af deild, í gönguferðir, bíltúra eða heimsóknir heim með samþykki starfsfólks.