Innskrift og undirbúningur á vegum svæfingalækna og -hjúkrunarfræðinga fyrir allar skurðsérgreinar spítalans.  Í því felst yfirferð heilsufars og rannsókna, auk fræðslu og stuðnings við aðgerðasjúklinga.   

Á ígræðslugöngudeild er sjúklingum og fjölskyldum þeirra sinnt með fræðslu og stuðningi sem eru í undirbúningsferli fyrir ígræðslu  nýra, nýra/briss eða lifrar ásamt nýragjöfum. Jafnframt fer þar fram eftirmeðferð  hjá þessum sjúklingahópum ásamt hjartaþegum. 

Samvinna er við Sahlgrenska sjúkrahúsið í Gautaborg í Svíþjóð. 

Netfang ígræðslugöngudeildar: transplant@landspitali.is 

• Sjá nánar á síðu Ígræðslugöngudeildar

Fyrirferð í kviðarholi:

Teymismóttaka hjúkrunarfræðinga, meltingarlækna og skurðlækna sem veita sjúklingum þjónustu vegna uppvinnslu, meðferðar, eftirlits, fræðslu og ráðgjafar í kjölfar greiningar á fyrirferð í kviðarholi. 

Innskrift:

Undirbúningur, uppvinnsla og fræðsla fyrir aðgerðir á kviðarholi. 

Móttaka vegna efnaskiptaaðgerða: 

Teymismóttaka hjúkrunarfræðinga, lækna og næringarráðgjafa sem veita sjúklingum eftirlit, fræðslu og ráðgjöf í kjölfar efnaskiptaaðgerða sem gerðar eru á spítalanum. 

Sáramóttaka:

Á sáramóttöku er sjúklingum með sérhæfð eða langvinn sár sinnt eftir að þeir hafa útskrifast af deildum spítalans, einnig eru hjúkrunarfræðingar ráðgefandi varðandi sárameðferð inniliggjandi sjúklinga. 

Aðgerðarstofa: 

Þar eru gerðar  minniháttar aðgerðir í staðdeyfingu, svo sem fjarlæging lyfjabrunna og sýnatökur. 

Stómahjúkrunarfræðingar sjá um ráðgjöf, kennslu og stuðning við stómaþega, væntanlega stómaþega, aðstandendur og heilbrigðisstarfsfólk innan og utan spítalans.  

Erindi og fyrirspurnir má senda á: stoma@landspitali.is

Meðferð við hægðaleka: 

• Skolunarmeðferð 

• Raförvun (stimulator) 

Teymismóttaka hjúkrunarfræðinga, meltingarlækna og næringarráðgjafa sem veita sjúklingum meðferð, eftirlit, fræðslu og ráðgjöf meðal annars vegna:

• Bólgusjúkdóma  í meltingarvegi (IBD)  

• Lifrarsjúkdóma og aðra meltingarfærasjúkdóma 

• Fyrirferðar í meltingarvegi 

• Næringarslöngur (PEG/RIG) og næringarhnappar 

Rannsóknir sem meltingarteymi framkvæmir: 

• Lifrarskanni 

• Myndhylkisrannsókn 

• Vélinda og sýrustigsmæling 

• Öndunarpróf 

Aðallega er sinnt lyfjagjöfum á vegum meltingarlækna og þá sjúklingum sem þurfa sérhæfða lyfjagjöf í æð.  Einnig er þjónusta við sjúklinga nýrna- og skurðlækninga eftir þörfum. 

Dæmi um lyfjagjafir: 

• Líftæknilyf  

• Vökvagjafir 

• Blóðgjafir 

• Sýklalyf 

• Beinþéttnilyf