Áfallamiðstöð á Landspítala veitir þeim sem leita til bráðamóttökunnar í Fossvogi sálrænan stuðning og aðstoð við tilfinningalega úrvinnslu nýlegra alvarlegra áfalla.

Áfallahjálp er skammtíma inngrip með áherslu á forvarnir og mat á þörf fyrir tilvísun í frekari eftirfylgd.

• Starfsfólks áfallamiðstöðvar metur andleg/líkamleg viðbrögð í kjölfar áfalls.

• Aðstoð er veitt við úrvinnslu áfalls.

• Veitt er fræðsla um algeng og eðlileg streituviðbrögð í kjölfar áfalla.

• Unnið er að styrkingu bjargráða og stuðningskerfa.

• Áhættuþættir með tilliti til áfallastreituröskunar eru metnir og vísað í sérhæft úrræði ef þörf er á.

• Fylgt er lögum um tilkynningaskyldu til barnaverndaryfirvalda.

• Markmið áfallamiðstöðvar Landspítala er að tryggja velferð þeirra sem leita eftir þjónustu;

  • Nýleg áföll þar sem lífi eða limum er ógnað

  • Þolendur líkamsárása, heimilisofbeldis og alvarlegra slysa

  • Þeir sem verða vitni að sérlega alvarlegum áföllum, til dæmis: komið að sjálfsvígum

Tilvísanir

Áfallamiðstöð Landspítala tekur við beiðnum og tilvísunum frá:

• deildum Landspítala

• fagaðilum utan Landspítala eftir því sem tök eru á

Fyrir fagfólk - Virkjun áfallateymis á neyðartímum

Áfallateymi Landspítala er einungis virkjað á neyðartímum samkvæmt útkalli almannavarnardeildar Ríkislögreglustjóra eða samkvæmt viðbragðsáætlun Landspítala.