Mánudaginn 23. nóvember verður haldið málþing við Háskólann á Akureyri þar sem Miðpunktur – samstarfsvettvangur rannsókna í sjálfsvígsfræðum verður formlega stofnaður. Þar kemur saman fræðafólk, fagfólk og stúdentar til að ræða rannsóknir, reynslu og þróun á sviði sjálfsvígsfræða og sjálfsvígsforvarna.

Kallað er eftir ágripum til og með 15. október 2026.

Fræðafólk, rannsakendur og stúdentar eru hvattir til að senda inn erindi sem byggja á rannsóknum eða reynslu af vettvangi.

Sérstaklega er óskað eftir erindum um:

• sjálfsvígshegðun og áhrifaþætti

• sjálfsvígsforvarnir og inngrip

• lýðheilsu og faraldsfræði

• klínískar rannsóknir og meðferð

• gagnagreiningu og mælitæki

• reynslu úr þjónustu og samfélagslegum úrræðum