Öndunarfærasýkingar. Vika 44 árið 2023
9. nóvember 2023
Í nýrri samantekt er farið yfir tíðni öndunarfærasýkinga og innlagna vegna þeirra á haustmánuðum og staðan á Íslandi borin saman við stöðuna í Evrópu.
Í viku 44 greindust sjö með inflúensu, öll af týpu A. Fjöldi staðfestra COVID-19 greininga og rhinoveiru er svipað og verið hefur undanfarnar vikur. Þegar skoðuð er aldursskipting COVID-19 greininga á þessu ári sést að tíðnin er hæst í aldurshópnum 80 ára og eldri.
Fimm greindust með RS-vírus (RSV), þar af voru fjögur börn undir eins árs aldri.
Faraldur inflúensu er ekki hafinn.
Í nýrri samantekt er farið nánar yfir tíðni öndurfærasjúkdóma í viku 44 ársins 2023.
Sóttvarnalæknir