Lýðheilsuvísar eru safn mælikvarða sem gefa vísbendingar um heilsu og líðan þjóðarinnar og tengda þætti. Birting lýðheilsuvísa á landsvísu og eftir heilbrigðisumdæmum hefur verið árlegur viðburður síðan árið 2016 og þriðja árið í röð eru lýðheilsuvísar einnig gefnir út fyrir fjölmennustu sveitarfélögin. Lýðheilsuvísum er ætlað að auðvelda heilbrigðisþjónustu og sveitarfélögum, þar með talið heilsueflandi samfélögum líkt og Ísafjarðarbæ, að greina stöðuna í sínu umdæmi, finna styrkleika og áskoranir og meta þarfir þannig að hægt sé að vinna með markvissum hætti að bættri heilsu og líðan allra íbúa.

Dagskrá

• Velkomin. Sigríður Júlía Brynleifsdóttir, bæjarstjóri Ísafjarðarbæjar

• Um lýðheilsuvísa 2025. María Heimisdóttir, landlæknir

• Lýðheilsuvísar tengdir samfélaginu, og heilsu og sjúkdómum. Sigríður Haraldsd. Elínardóttir, sviðsstjóri heilbrigðisupplýsinga, embætti landlæknis

• Lýðheilsuvísar tengdir sóttvörnum. Guðrún Aspelund, sóttvarnalæknir

• Lýðheilsuvísar tengdir lifnaðarháttum og líðan. Dóra Guðrún Guðmundsdóttir, sviðsstjóri lýðheilsusviðs, embætti landlæknis

• Hagnýt notkun lýðheilsuvísa í heimabyggð. Margrét Geirsdóttir, sviðsstjóri velferðarsviðs og Dagný Finnsbjörnsdóttir, tengiliður Heilsueflandi samfélags hjá Ísafjarðarbæ

• Umræður

• Fundarstjóri er Lúðvík Þorgeirsson, forstjóri Heilbrigðisstofnunar Vestfjarða

Frekari upplýsingar
Gígja Gunnarsdóttir, verkefnastjóri
gigja.gunnarsdottir@landlaeknir.is