Hefðbundið óvirkjað inflúensubóluefni sem hæfir börnum frá 6 mánaða aldri og fullorðnum verður tilbúið til afhendingar frá dreifingaraðila frá og með 15. október næstkomandi. Bóluefni sem notað verður í bólusetningum veturinn 2026-2027 samkvæmt samningum sóttvarna­læknis við Icepharma er:

Eins og undanfarin ár verður dreifingu forgangsraðað til hjúkrunarheimila og heilbrigðisstofnana sem bólusetja forgangshópa fyrstu vikurnar. Þess er vænst að bólusetningar forgangshópa geti hafist um allt land upp úr miðjum október en aðrir sem fá úthlutað bóluefni fá það væntanlega í nóvember, þar með talið aðilar sem sinna bólusetningum á vinnustöðum.

Dreifing óvirkjaðs inflúensubóluefnis til aðila sem sinna bólusetningum miðast við það magn sem pantað var síðastliðinn vetur nema annað hafi komið fram í samskiptum sóttvarnalæknis við ábyrgðaraðila bólusetninga.

Lifandi veiklað nefúðabóluefni fyrir börn frá 2 ára aldri verður tilbúið til afhendingar til heilsugæsla frá 30. september næstkomandi:

Bóluefnið er ætlað fyrir öll börn 2-4 ára og 5-17 ára börn með áhættuþætti en án frábendinga. Börn sem ekki geta þegið Fluenz verður boðið Influvac ef það hæfir. Börn sem óskað er eftir inflúensubólusetningu fyrir þótt þau hafi ekki sérstaka áhættuþætti geta fengið Fluenz meðan það er til ófyrnt.

Ef aðrir en heilsugæslur hafa hug á að bjóða Fluenz fyrir börn má senda fyrirspurn á sóttvarnalækni (mottaka@landlaeknir.is).