Endurmenntun Landbúnaðarháskóla Íslands býður tveggja daga námskeið dagana 23. og 24. september um endurheimt votlendis, mikilvægi votlendisvistkerfa og faglegar aðferðir við skipulagningu, framkvæmd, eftirfylgni og árangursmat endurheimtarverkefna.

Námskeiðið er haldið í samstarfi við Land og skóg og Mýralíf/Peatland Lifeline. Það er byggt á faglegri þekkingu og reynslu af endurheimt votlendis hérlendis. Þátttakendur fá yfirsýn á hlutverk mýra í náttúrunni í samhengi við líffræðilega fjölbreytni, vatnsbúskap, loftslagsmál, vistkerfisþjónustu og fleira.

Námskeiðið felst í fyrirlestrum, umræðum, verkefnavinnu og vettvangsvinnu. Það hentar öllum sem skipuleggja, veita ráðgjöf, framkvæma, meta eða fylgja eftir verkefnum á sviði endurheimtar votlendis. Hluti námsins fer fram í nágrenni skólans þar sem þátttakendur fá hagnýta þjálfun í greiningu, kortlagningu og mati á votlendissvæðum.

• Námsmat – Námið er metið til 1 ECTS-einingar á háskólastigi.

• Hvar og hvenær – Landbúnaðarháskóla Íslands á Hvanneyri í Borgarfirði og í nærliggjandi umhverfi miðvikudaginn 23. september og fimmtudaginn 24. september kl. 9-17 báða daga.

• Verð – 50.000 kr. (sérfræðikennsla, hádegisverður og kaffiveitingar fyrir og eftir hádegi báða kennsludagana)

Nánari upplýsingar og umsókn á vef Endurmenntunar LbhÍ