Pawel Wasowicz grasafræðingur hjá Náttúrufræðistofnun Íslands flytur erindið „Þakið framandi tegundum milli fjalls og fjöru – um útbreiðslu framandi plöntutegunda á Íslandi“ á Hrafnaþingi Náttúrufræðistofnunar Íslands miðvikudaginn 13. mars.

Erindið verður flutt á ensku í fundaraðstöðu starfstöðvar Náttúrufræðistofnunar Íslands að Borgum við Norðurslóð á Akureyri og hefst kl. 15.15. Það verður einnig flutt í beinni vefútsendingu á Teams.

Í erindinu verður leitast við að auka skilning fólks á þeim áskorunum sem ágengar framandi tegundir hafa í för með sér og undirstrikuð nauðsyn þess að gripið verði til samstilltra aðgerða, bæði á heimsmælikvarða og á landsvísu.

• Nánar á vef NÍ.