Inflúensa er veirusýking í efri öndunarfærum sem orsakast af inflúensuveirum A og B. 
Hún er oftast árstíðabundin, venjulega frá október til mars og getur valdið bæði mildum og alvarlegum veikindum.

Einkenni: Inflúensa hefst oftast snögglega og einkennist af:

• ️Hita (sérstaklega hjá börnum)

• Höfuðverk, beinverkjum og vöðvaverkjum

• Hósta og nefrennsli

• Hálsbólgu og stundum kvefi (sjaldgæfari einkenni)

Munurinn á flensu og kvefi

Smitleiðir:

Meðgöngutími og smitandi tímabil inflúensu

• Eftir að einstaklingur smitast af inflúensuveiru tekur það venjulega um 2 daga þar til einkenni koma fram, en meðgöngutíminn getur verið allt frá 1 upp í 4 daga.

• Að meðaltali eru einstaklingar smitandi í um 6 daga, þ.e 1-2 dögum áður en einkenni koma fram og 5-7 daga eftir að veikindi hefjast. Fólk með skert ónæmiskerfi getur verið smitandi í lengri tíma.

Greining

Greining er fyrst og fremst klínísk og byggist á sjúkdómseinkennum. Það er hægt að taka sérstök próf úr nefkoki og láta greina, ýmist með skyndiprófi eða á rannsóknarstofu.

Forvarnir

• Handþvottur. Sápa og spritt drepur veiruna

• Takmarka umgengi við smitaða

• Nota grímu ef þörf er á til að minnka líkur á smiti.

Inflúensuveirur geta haldið áfram að vera smitandi á yfirborðum utan líkama í lengri tíma, oft frá dögum upp í vikur. Því er mikilvægt að þrífa sameiginlega snertifleti með sápu eða spritti.

Bólusetning veitir bestu vörnina

Eftirfarandi áhættuhópar njóta forgangs við inflúensubólusetningu:

• Börn á aldrinum 6 mánaða til og með 5 ára

• Fullorðnir 60 ára og eldri

• Börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.

• Heilbrigðisstarfsmenn sem annast einstaklinga í áhættuhópum sem taldir eru upp hér að ofan

• Þungaðar konur

Meðferð

• Drekka vel af vatni.

• Hvíla sig og sofa vel.

• Taka hitalækkandi lyf.

• Vera heima þar til hitalaus í lágmark einn sólarhring án hitalækkandi lyfja og líðan er betri.

• Þolinmæði, það tekur líkamann 1-2 vikur að jafna sig á inflúensu.

• Tamiflu veirulyf eru stundum gefin þeim sem eru í áhættuhóp og hafa alvarleg eða versnandi einkenni.

Varúðarráðstafanir eftir að smit hefur átt sér stað.

• Hylja munn og nef með olnboga eða pappírsþurrku við hósta eða hnerra.

• Nota einnota pappírsþurrkur og henda þeim strax eftir notkun.

• Góður handþvottur:

• Þvo hendur reglulega með sápu og vatni, eða

• nota spritt.

• Nota andlitsgrímu

• Fjarlægðartakmörkun og sjálfskipuð einangrun getur dregið úr loftborinni smitun.

• Að bæta loftræstingu — t.d. með því að opna glugga og hleypa inn fersku lofti.

Hvenær á að leita læknis? Leita til heilsugæslu (vaktina) ef:

• Blóðlitaður uppgangur

• Kviðverkur

• Verkur er yfir brjóstkassa

• Svimi eða sljóleiki

• Uppköst í meira en tvo sólarhringa

Leita til bráðamóttöku ef:

• Andþyngsli

• Grunur er um ofþornun

Ef barn fær inflúensu Fara með barn strax á næstu bráðamóttöku ef:

• Hröð öndun eða barn á erfitt með öndun.

• Blámi kemur á varir.

• Grunur er um ofþornun.

• Barn á erfitt með að vakna og/eða þú nærð litlu sambandi við það.

• Barn lagast af inflúensunni en slær síðan niður aftur og fær hita eða hósta.