Heilbrigðisstofnun Suðurnesja hefur opnað heilsueflandi móttöku barna.

Móttakan styður við börn og fjölskyldur þeirra barna sem eru að bregða út af vaxtarkúrfu.

Móttakan sinnir börnum 6 til 18 ára og í samvinnu við ungbarnavernd þegar um yngri börn er að ræða.

Í móttökunni starfar þverfaglegt teymi sem samanstendur af hjúkrunarfræðingi, næringarfræðingi og lækni ásamt stuðningi frá sálfræðingum og sjúkraþjálfara. Unnið er náið með skólaheilsugæslu.

Verklag móttökunnar er samkvæmt alþjóðaleiðbeiningum varðandi meðferð við hraðri þyngdaraukningu barna og góð tengsl eru við Heilsuskólann á Landspítala og aðrar móttökur á landinu sem sinna slíkri meðferð.

Ef þú telur að þú eða þitt barn eigið heima í móttökunni þá er þér velkomið að hafa samband við Heilsueflandi móttöku barna á HSS (422-0500), panta símatíma og við hringjum til baka og saman tökum við stöðuna varðandi næstu skref.