Andrea Klara Hauksdóttir hefur verið ráðin í stöðu framkvæmdastjóra hjúkrunar á Heilbrigðisstofnun Suðurnesja

Andrea Klara útskrifaðist úr hjúkrunarfræði frá Háskólanum á Akureyri árið 2009 og með meistarapróf í heilbrigðisvísindum með áherslu á stjórnun innan heilbrigðisþjónustu árið 2015.

Hún hefur starfað hjá HSS frá útskrift og gegnt þar fjölbreyttum störfum á sviði hjúkrunar og stjórnunar. Andrea Klara hefur meðal annars starfað sem hjúkrunardeildarstjóri skurð- og speglunardeildar, hjúkrunardeildarstjóri heilsugæslu og yfirhjúkrunarfræðingur heilsugæslusviðs. Síðasta eitt og hálfa árið hefur hún gegnt starfi framkvæmdastjóra hjúkrunar á HSS.

Auk starfa sinna hjá HSS starfaði Andrea Klara hjá Meltingarsetrinu ehf. sem speglunar-hjúkrunarfræðingur og hjá Centric Care í Osló á hjúkrunarheimilum.

Andrea Klara býr yfir víðtækri reynslu og þekkingu á rekstri og stjórnun heilbrigðisþjónustu og er ráðning hennar mikill styrkur fyrir HSS.