Þú getur hitt lækni í bókuðum tíma sem þú pantar með því að hringja á stöðina.

Ef erindið þolir ekki bið getur þú haft samband í síma 1700 eða á netspjalli Heilsuveru.

Á mínum síðum Heilsuveru er auðvelt að koma skilaboðum til starfsfólks stöðvarinnar.

Einnig er hægt að panta símaviðtal við lækni.

Það er allaf hægt að fá símaráðgjöf hjá hjúkrunarfræðingi en símaviðtal við lækni þarf að panta.

Á mínum síðum Heilsuveru er auðvelt að eiga rafræn samskipti við þau sem sinna þér á stöðinni.

Þú getur fengið ráðgjöf vegna bráðra erinda á netspjalli Heilsuveru og allan sólarhringinn í síma 1700.

Heilsugæslustöðvar eru opnar virka daga á dagvinnutíma. Þar er tekið á móti fólki með bráð veikindi og eftir smærri slys.

Fyrsta skrefið er að hafa samband í síma 1700 eða á netspjallinu á Heilsuveru.

Þar leiðbeinir hjúkrunarfræðingur þér um næstu skref og veitir ráðgjöf. Ef þú þarft að koma á heilsugæslustöð færð þú tíma samdægurs eða daginn eftir.

Sálfræðingar og félagsráðgjafar starfa sem hluti af þverfaglegum teymum og í náinni samvinnu við skóla og félagsþjónustu.

Sálfræðingar sinna ráðgjöf og meðferð barna, ungmenna og fjölskyldna þeirra annars vegar og fullorðinna 18 ára og eldri hins vegar

Félagsráðgjafar aðstoða einstaklinga, pör eða fjölskyldur sem standa frammi fyrir vandamálum sem hafa áhrif á heilsu þeirra.

Þú getur haft hringt í heilsugæsluna þína til að athuga með tíma.

Það hjálpar einnig mörgum að sækja námskeið eða netmeðferð.

Lyfjum er ávísað í viðtali hjá lækni.

Hægt er að óska eftir endurnýjun fyrir sum lyf sem tekin eru að staðaldri og er ávísað af læknum stöðvarinnar.

Venjulega eru þessar lyfjaendurnýjanir tilbúnar til afgreiðslu í lyfjaverslunum næsta virka dag en geta tekið lengri tíma.

Sýklalyf, sterk verkjalyf, róandi lyf og svefnlyf eru bara endurnýjuð í viðtali hjá lækni.

Ef þú hefur spurningar eða áhyggjur af lyfjunum þínum getur lyfjafræðingur heilsugæslunnar ráðlagt þér og yfirfarið lyfin þín

Rafræn lyfjaendurnýjun

• Einfaldast er að óska eftir lyfjaendurnýjun á Heilsuveru. Þú þarft að hafa rafræn skilríki.

Lyfjaendurnýjun í síma

• Upplýsingar um símanúmer og símatíma lyfjaendurnýjunar eru á síðunni Almennar upplýsingar á hverri heilsugæslu.

Ef þörf er á veikindavottorði vegna skóla eða vinnu er hægt að sækja um það á mínum síðum Heilsuveru.

Vegna lengri veikinda og annarra vottorða þarf að hafa samband við lækni.

Greiða þarf fyrir flest vottorð og verð þeirra má sjá í gjaldskrá.

Heimilislæknar gera tilvísanir til sérgreinalækna ef þarf vegna mála sem þeir hafa haft aðkomu að.

Þegar aðkomu sérgreinalækna lýkur senda þeir heimilislækni læknabréf til upplýsingar.

Hjá okkur starfa sérfræðingar í heimilislækningum en einnig almennir læknar, sérnámslæknar í heimilislækningum og læknar í sérnámsgrunni.

​Þegar læknar eru í leyfi leysa aðrir læknar stöðvarinnar þá af.

• Andri Már Þórarinsson læknir

• Árni Arnarson sérnámslæknir í heimilislækningum

• Halldóra Diljá Ragnarsdóttir sérnámslæknir í heimilislækningum

• Hjördís Elva Valdimarsdóttir heimilislæknir

• Hrafnhildur Einarsdóttir heimilislæknir

• Lilja Sigrún Jónsdóttir heimilislæknir

• Marta Lárusdóttir heimilislæknir

• Stefán Broddi Daníelsson sérnámslæknir í heimilislækningum

• Þóra Soffía Guðmundsdóttir sérnámslæknir í heimilislækningum

• Þórunn Jónsdóttir heimilislæknir

Orðið farsæld er notað yfir aðstæður sem skapa barni skilyrði til að ná líkamlegum, sálrænum, vitsmunalegum, siðferðislegum og félagslegum þroska og heilsu á eigin forsendum til framtíðar.

Farsældarlögin eiga að sjá til þess að börn og foreldrar hafi greiðan aðgang að þeirri þjónustu sem þau þurfa og að þau fái rétta aðstoð á réttum tíma, frá réttum aðilum. Með því að tengja þjónustuna saman og vinna í sameiningu að farsæld barna verður auðveldara fyrir börn og foreldra að fá aðstoð við hæfi.

Tengiliður farsældar á heilsugæslu

Á meðgöngu og á ungbarnaskeiði er tengiliður barns starfsmaður heilsugæslu barnsins.

Hafðu samband og óskaðu eftir að fá að tala við tengilið farsældar barna.

Tengiliður hefur þekkingu til að vera foreldrum innan handar og aðstoða við að sækja þjónustu við hæfi. Þannig geta foreldrar og börn leitað til eins aðila sem hefur yfirsýn yfir allt þjónustukerfið.

• Þjónusta í þágu farsældar barna. Ný nálgun í þjónustu við börn og barnafjölskyldur

Meðgönguvernd er upphaf heilsuverndarþjónustunnar. Verðandi foreldrar geta farið á heilsugæslustöð í sínu hverfi eða valið aðra stöð og skráð sig á hana.

Meðgönguvernd er ókeypis fyrir sjúkratryggða. Viðtöl og skoðanir eru í boði frá upphafi meðgöngu og fram að fæðingu.

Fyrsta viðtal við ljósmóður er gjarnan í síma fljótlega eftir að þungun er staðfest. Fjöldi skoðana fer svo eftir aðstæðum, oftast 7-10 skipti. Milli skoðana er hægt að fá símaráðgjöf hjá ljósmóður.

• Lestu um meðgöngu og fæðingu á vef Heilsuveru

Ung- og smábarnavernd stendur öllum börnum til boða og er ókeypis fyrir sjúkratryggða.

Foreldrum nýfæddra barna er boðið upp á heimavitjanir fyrstu vikurnar. Eftir það er þeim boðið að koma á heilsugæslustöðina með barnið í skoðanir.

Í heimavitjunum skoðar hjúkrunarfræðingur barnið, metur þroska þess, þyngd og höfuðummál. Foreldrar fá ráðgjöf og fræðslu varðandi umönnun barnsins og eigin líðan.

Þegar barnið er sex vikna gamalt er boðið upp á læknisskoðun á heilsugæslustöð og þá hefjast bólusetningar.

• Hvað er gert í ung- og smábarnavernd?

• Lestu um þroska, heilsu og umönnun barna á vef Heilsuveru

Þú getur fengið allar algengar bólusetningar á þinni heilsugæslustöð.

Pantaðu tíma í móttöku hjá hjúkrunarfræðingi til fá bólusetningar.

• Á mínum síðum Heilsuveru er yfirlit bólusetninga sem þú hefur fengið og þú getur líka haft samband við hjúkrunarfræðing á heilsugæslustöðinni þinni sem fer yfir þetta með þér og ráðleggur þér.

• Börn eru bólusett í ung- og smábarnavernd og heilsuvernd skólabarna.

• Þú getur lesið meira um bólusetningar í Heilsuveru.

• Upplýsingamiðstöð heilsugæslunnar getur ráðlagt fólki hvort og þá hvaða bólusetningu það þarf þegar það fer til útlanda. Sótt er um ráðgjöf á netspjalli Heilsuveru.

Ljósmæður og hjúkrunarfræðingar annast sýnatöku í skimun fyrir krabbameini í leghálsi.

Ef það er komið að þér í skimun getur þú pantað tíma á mínum síðum Heilsuveru eða með símtali.

Ef tímaframboð á heilsugæslunni þinni hentar ekki getur þú pantað tíma með símtali á heilsugæslu að eigin vali eða komið í opið hús án tímapöntunar.

Lestu meira um tíma í boði og leghálskrabbameinsskimun

Í þjónustu fyrir fólk með langvinnan heilsuvanda er áhersla er lögð á þessa sjúkdóma:

• Sykursýki af tegund 2

• Ofþyngd/offitu

• Langvinna lungnateppu

• Hjarta- og æðasjúkdóma

• Hækkaðan blóðþrýsting

Þjónustan fer eftir þörfum einstaklingsins en oft boðið upp á eitthvað af þessu:

• Heilsufarsmat

• Áætlun einstaklings

• Eftirfylgd

• Rannsóknir og skoðun

• Lyf og lyfjarýni

• Áhugahvetjandi samtal

• Forvarnir

Þjónusta fyrir fólk með langvinnan heilsuvanda er oft í framhaldi af læknisviðtali. Einnig er hægt að bóka hana sérstaklega. Þú getur haft samband við heilsugæslustöðina þína ef þú vilt nýta þessa þjónustu.

Heilsuvernd eldra fólks miðar að því að styðja við andlega, líkamlega og félaglega heilsu svo fólk geti búið heima sem lengst.

Viðtal hjá hjúkrunarfræðingi í Heilsuvernd eldra fólks er bókað með því að hringja í heilsugæsluna.

Hjúkrunarfræðingurinn:

• Aðstoðar við að bæta og aðlagast breyttu heilsufari.

• Leiðbeinir um hjálpartæki og stoðtæki.

• Veitir ráð um þjónustu sem eru í boði.

Þau sem eru 70 ára og eldri eru hvött til að panta tíma hjá heimilislækni í almennt eftirlit.

• Lestu meira um heilsu og líðan eldra fólks á Heilsuveru

Hjúkrunarfræðingar eru í grunn- og framhaldsskólunum. Þeir sjá um fræðslu, skimanir og bólusetningar.

Hjúkrunarfræðingarnir ráðleggja nemendum, fjölskyldum þeirra og starfsfólki skólans.

Hægt er að fá samband við hjúkrunarfræðinginn í skólanum með því að hafa samband við skólann.

Hreyfiseðillinn er meðferð við sjúkdómi sem vitað er að regluleg hreyfing getur haft áhrif á.

Sjúkraþjálfarar gera hreyfiáætlun miðað við sjúkdóm, hreyfigetu og áhugahvöt einstaklings.

Einstaklingurinn skráir hreyfingu sína rafrænt og sjúkraþjálfari fylgist með framvindu og gangi mála, veitir aðhald og hvatingu með símtölum og skilaboðum gegnum Heilsuveru.

Heilsugæslustöðvum er stýrt af forstöðumanni með aðstoð skrifstofustjóra.

Fagstjórar lækninga og hjúkrunar leiða faglegt starf.

• Forstöðumaður og fagstjóri lækninga: Marta Lárusdóttir

• Fagstjóri hjúkrunar: Ingibjörg Ósk Guðmundsdóttir

• Skrifstofustjóri: Mínerva Jónsdóttir

Heilsugæslan Glæsibæ þjónar fyrst og fremst íbúum Voga- og Heimahverfis.

Öllum er frjálst að skrá sig á stöðina óháð búsetu.