Fjarskiptastofa birtir hér tilmæli um prófun á virkni farsíma til að hringja neyðarsímtal í 112. Þann 2. október sl. efndi FST til opins samráðs um drög að tilmælunum og bárust umsagnir frá sjö aðilum, bæði fyrirtækjum og einstaklingum.

FST þakkar fyrir þær umsagnir sem bárust og hefur nýtt þær til að gera þá endanlegu útgáfu sem hér er birt.

Það er von FST að með tilmælunum megi draga úr hættunni á því að ósamhæfðir farsímar séu notaðir hér á landi og þau verndi neytendur sem kaupa sér farsíma í góðri trú um að þeir virki alltaf og helst þegar vá steðjar að og undantekningarlaust sé hægt að hringja í neyðarnúmerið 112 þar sem útbreiðslu farnetsþjónustu nýtur við.

Tilmæli Fjarskiptastofu