Blóðbankinn er að uppfæra reglur um hæfi blóðgjafa til að gefa blóð. Þetta er í samræmi við breytingar heilbrigðisráðuneytisins á reglugerð um söfnun, meðferð, varðveislu og dreifingu blóðs (441/2006). ​

​

Með þessum breytingum verður hæfi hvers einstaklings metið í stað þess að styðjast við hópaviðmið eins og áður hefur verið gert. Á síðu Blóðbankans á island.is má finna upplýsingar um þætti sem hafa áhrif á blóðgjöf. Spurningalisti sem blóðgjafar þurfa að svara við blóðgjöf hefur verið uppfærður. Einnig hefur bæklingi um smitvarnir verið breytt í bækling um einstaklingsbundið áhættumat. Á spurningalistanum eru nú tvær nýjar spurningar sem snúa að persónubundinni áhættu á smiti. Allir blóðgjafar þurfa að svara þeim. ​

​

Áður hefur Blóðbankinn innleitt kjarnsýrupróf (enska: Nucleic Acid Test), svokallað NAT próf til skimunar á blóðbornum smitsjúkdómum. Þessi próf eru næmari en eldri próf og því er öryggi blóðþega betur tryggt en áður

Breyttar reglur verða innleiddar 1. september 2026.