Nánar:

• Einstaklingur má ekki gefa blóð ef viðkomandi telst vera í áhættuhópi, t.d. ef:

  • Fædd/ur í Suður-Ameríku eða Mið-Ameríku (þ.á.m. Suður-Mexíkó).

  • Móðir viðkomandi er fædd í Suður-Ameríku eða Mið-Ameríku (þ.á.m. Suður-Mexíkó).

  • Viðkomandi hefur fengið blóð í Suður-Ameríku eða Mið-Ameríku (þ.á.m. Suður-Mexíkó).

  • Viðkomandi hefur búið eða unnið í meira en 4 vikur á dreifbýlissvæðum í áðurnefndum löndum, þar sem sjálfsþurftarbúskapur er stundaður.

Til fróðleiks:

• Suður-Amerísk höfgasótt er sýking af völdum sníkjudýrs sem nefnist Trypanosoma cruzi (T.cruzi).

• Sýking af völdum T.cruzi er mjög algeng í mörgum hlutum í Suður eða Mið-Ameríku og er sýkingin oft einkennalaus.

• Um er að ræða langvinna sýkingu sem getur m.a. smitast með blóðgjöf og frá móður til ófædds barns.

• Skordýrin sem bera sýkinguna áfram finnast helst í dreifbýli og því lengur sem einstaklingur hefur dvalist í húsnæði með stráþaki eða leirveggjum því meiri hætta er á að viðkomandi hafi sýkst.

• Engin örugg lækning er til við þessari sýkingu og því má sá sem hefur sýkst einhvern tímann á ævinni ekki gefa blóð eftirleiðis.