Nánari útskýringar:

Má ekki gefa blóð ef er með eða hefur fengið, jafnvel þó einkenni séu ekki til staðar. Varanleg frávísun:

Kransæðasjúkdóm eða hjartaöng- óháð orsök, brjóstverkir vegna þrengsla í kransæðum eða kransæðakrampa (angina pectoris), hjartabilun, hjartalokusjúkdóm, hjartaþelsbólgu, hjartavöðvakvilla, hægra og / eða vinstra greinrof í hjarta, slagæðagúlp, útæðasjúkdóm þ.m.t. heltiköst eða drep, hjartaaðgerð eða aðgerð vegna stíflu eða þrengingar í æð, endurteknar segabláæðabólgur eða segamyndanir, gangráð, greinst með ómeðhöndlaðar hjartsláttartruflanir t.d. gáttatif (Atrial Fibrillation), gáttaflökt (Atrial Flutter), PSVT, sleglahraðtaktur (Ventricular Tachycardia (VT) og AVRNT).

ATHUGIÐ SÉRSTAKLEGA: Ef framandi efni hefur verið ígrætt í blóðrásina má ekki gefa blóð. Varanleg frávísun.

• Fósturop í hjarta (Foramen ovale, PFO) má gefa blóð ef einkennalaus og engin meðferð áformuð.

• Hjartaþelsbólga (endocarditis) eða sýking í hjartalokum, má ekki gefa blóð.

• Saga um aukahljóð við hjartahlustun: Má ekki gefa blóð ef viðkomandi hefur klínísk einkenni.

• Gollurshúsbólga (pericarditis): Má gefa blóð 12 mánuðum eftir að bata hefur verið náð og ef engar aukaverkanir sjúkdómsins eru til staðar. Ákveðið með öryggi gjafa í huga.

• Hjartavöðvabólga (myocarditis): Má gefa blóð 12 mánuðum eftir fullan bata og ef engin einkenni sjúkdómsins eru til staðar. Ákveðið með öryggi gjafa í huga.

• Míturlokubakfall: Má ekki gefa blóð. Varanleg frávísun. Gert til að tryggja öryggi og heilsu blóðgjafans.

• Aðra sjúkdóma í hjartalokum (t.d. leka í míturloku (Mitral stenosis) getur læknir Blóðbankans samþykkt, ef engin einkenni eru til staðar, viðkomandi er í reglubundnu eftirliti án sérstakra varnaðarorða frá viðkomandi hjartalækni, eða hefur lokið eftirliti.

• Hjartaaðgerð vegna meðfædds hjartagalla: Má gefa blóð ef hjartagalli var leiðréttur, viðkomandi einkennalaus, ekki var sett ígræði í aðgerð og er eða hefur verið í eftirliti án sérstakra varnaðarorða frá viðkomandi hjartalækni.

• Leiðslurof, (AV-block) - AV-block I og AV-block II type 1: Má gefa blóð ef þarfnast ekki meðferðar.

• Leiðslurof, (AV-block) - AV-block II type 2 og AV-block III: Má ekki gefa blóð. Varanleg frávísun. Ákveðið með öryggi gjafa í huga.

• Greinrof í hjartaleiðni (Bundle branch block): Má ekki gefa blóð. Ákveðið með öryggi gjafa í huga.

• Lengt QT bil (Long QT syndrome): Má gefa blóð, fyrirbyggjandi meðferð kemur ekki í veg fyrir samþykki. Má ekki gerast gjafi í blóðfrumuskilju (apheresis).

• Takotsubo hjartabilun (Broken heart syndrome): Má gefa blóð 6 mánuðum eftir að fullum bata er náð.

• Ígræðsla taktnema undir húð (Implantable loop recorder (ILR): Má gefa blóð 1 mánuði eftir brottnám taktnema.

Til fróðleiks:

Fósturop í hjarta (Patent Foramen Ovale, PFO) er eðlilegur breytileiki sem finnst í um 40% einstaklinga.

Heltiköst (angina, intermittent claudication: Verkir og kraftleysi í fótum (einkum kálfum) og helti sem kemur fram við gang og linast við hvíld. Stafar af vaxandi blóðþurrð í vöðvum vegna blóðrásartruflunar í slagæðum.