Nánar:

Meta þarf vandlega í hverju tilviki sár sem eru sýkt með roða, bólgu, greftri og yfirborðshita.

• Smásár með lítilsháttar greftri er mögulegt að samþykkja, t.d unglingabólur með litlum graftrarnöbbum eða sár með greftri við naglaband, þar sem mestur hluti fingurs er án sýkingareinkenna.

• Sýkt sár sem gefa almenn einkenni: Má ekki gefa blóð.

• Sár eftir skurðaðgerð: Má gefa blóð svo framarlega sem orsök skurðaðgerðarinnar er samþykkt og saumar hafa verið teknir, sárið vel gróið og engin merki sýkingar.

Til fróðleiks:

Sýktu sári eða fleiðri getur fylgt hætta á sýkingu sem getur borist í blóðrásina. Bakteríur í blóði geta fjölgað sér í blóðpoka eftir söfnun. Séu bakteríur til staðar í blóðeiningu getur það haft mjög alvarlegar afleiðingar fyrir blóðþega.

Síendurtekin sár eða fleiður geta hugsanlega tengst undirliggjandi ástandi, til dæmis sjálfsónæmissjúkdómi.