Til fróðleiks:

• Zika er veira sem berst til manna með moskítóflugnabiti. Moskítóflugurnar sem bera veiruna finnast á þessum svæðum: Mið Ameríku og Suður Ameríku, Suðaustur Asíu og eyjum Kyrrahafsins, Karabíska hafinu, hluta Afríku, hluta Bandaríkjanna og Suður Evrópu.

• Zikaveira smitast ekki við almenna umgengni manna á milli en getur smitast með blóðgjöf, kynmökum og til barna í móðurkvið, sé móðir sýkt.

• Moskítóflugur sem dreifa veirunni finnast ekki á Íslandi og því ekki talin hætta á að smitast hér. Fólk sem ferðast til landa þar sem veiran fyrirfinnst getur verið útsett án þess að vita af því.

• Einkenni Zikaveirunnar: s.s. vægur hiti, útbrot, beinverkir, höfuðverkur, roði í augum eða vöðvaverkir.

• Á Íslandi er ekki skimað fyrir Zikaveiru.

• Til að tryggja öryggi blóðþega spyrjum við blóðgjafa hvert þeir hafi ferðast.

Starfsfólk Blóðbankans gefur upplýsingar um hvaða lönd / landsvæði teljast vera áhættusvæði fyrir þessar veirusýkingar m.t.t. blóðgjafa. Einnig er hægt að kanna hvort landið flokkast sem áhættusvæði fyrir blóðborna sjúkdóma á heimasíðu: JPAC