Til fróðleiks:

• Dengue er veira sem berst til manna með moskítóflugnabiti. Moskítóflugurnar sem bera veiruna finnast á þessum svæðum: Mið Ameríka og Suður Ameríka, Asía, Mið Afríka, hluta Bandaríkjanna og í Suður Evrópu.

• Dengue smitast ekki við almenna umgengni manna á milli en getur smitast með blóðgjöf og til barna í móðurkvið sé móðir sýkt.

• Moskítóflugur sem dreifa veirunni finnast ekki á Íslandi og því ekki talin hætta á að smitast hér. Fólk sem ferðast til landa þar sem veiran fyrirfinnst getur verið útsett án þess að vita af því.

• Einkenni Dengue veirunnar: s.s. hár hiti, mikinn höfuðverkur, verkur bak við augun, beinverkir, vöðvaverkir, ógleði, uppköst, eitlastækkanir.

• Á Íslandi er ekki skimað fyrir Dengue.

•  Til að tryggja öryggi blóðþega spyrjum við blóðgjafa hvert þeir hafi ferðast.

Starfsfólk Blóðbankans gefur upplýsingar um hvaða lönd / landsvæði teljast vera áhættusvæði fyrir þessar veirusýkingar m.t.t. blóðgjafa. Einnig er hægt að kanna hvort landið flokkast sem áhættusvæði fyrir blóðborna sjúkdóma á heimasíðu: JPAC