Nánari útskýringar:

• Ósveigjanleg speglunartæki: Dæmi um aðgerðir: Gallblöðrutaka og kviðarholsspeglun (eru oftast gerðar með aðstoð ósveigjanlegs tækis, en getur endað í opinni skurðaðgerð) stuðningsaðgerð við þvagrás (TVT), barkaspeglun (t.d. eftirlit með raddböndum). Frestur fyrir blóðgjöf 1 mánuðir.

• Sveigjanleg speglunartæki: Dæmi um aðgerðir: Maga-/ ristilspeglun, gallgangaspeglun, blöðruspeglun, legspeglun, barka- og lungnaspeglun (Fiberscopy). Frestur fyrir blóðgjöf 4 mánuðir.

• Frestur fyrir blóðgjöf vegna liðspeglana, leghálsspeglun er 2 vikur ef engin aðgerð er gerð.

• Endaþarmsspeglun 1 dags frestur.

• Liðspeglanir: Oftast gerðar með ósveigjanlegu speglunartæki en sveigjanleg speglunartæki geta líka verið notuð.

• Berkjuspeglunartæki geta verið annað hvort sveigjanleg eða ósveigjanleg. Staðfesta þarf gerð tækis. Fiberscopy sem fer í gegnum nefið / nefholið er alltaf sveigjanlegt áhald. Eftirlit með raddböndum gegnum munn / munnhol er oftast gert með ósveigjanlegu áhaldi.

• Speglun á meltingarvegi með hylki sem einstaklingur gleypir: Má gefa blóð ef einnota hylki eru notuð og orsök / niðurstöður koma ekki í veg fyrir blóðgjöf.

• Við aðgerð í aðgerðaþjarki (vélmenni notað við skurðaðgerðir) er möguleiki á að sveigjanleg speglunartæki séu notuð.

• Ómskoðun á hjarta: Getur verið gert með ómtæki á bringu eða með sveigjanlegu spelgunartæki gegnum vélinda. Ef gert gegnum vélinda þá er frestur 4 mánuðir ef ástæða skoðunar leyfir blóðgjöf.

Til fróðleiks:

Erfitt getur verið að sótthreinsa sveigjanleg tæki sem notuð eru til speglana. Vitað er um tilfelli þar sem smit hefur borist á milli manna með slíkum tækjum.