Skráður eigandi getur pantað númeraplötu á ökutækin sín með umsókn hér að ofan.
Ef annar en skráður eigandi þarf að panta númeraplötu þarf að hafa samband við Samgöngustofu til að ganga frá pöntun og greiðslu.
Við pöntun er hægt að velja úr mismunandi gerðum og stærðum númera eftir tegund ökutækis og notkun þess.
Fyrir fólksbíla geta eftirfarandi kostir verið í boði:
Athugið að áður en VSK merki eru afhent þarf ökutækið að uppfylla VSK kröfur og standast breytingaskoðun á skoðunarstöð.
Afgreiðslutími og afhending
Afhendingarstaður er valinn við pöntun. Hægt er að sækja númeraplötur til Samgöngustofu eða á skoðunarstöð.
Framleiðsla á númeraplötum tekur 3 virka daga en 1 virkan dag sé greitt flýtigjald. Ef óskað er eftir að fá númeraplöturnar sendar á skoðunarstöð utan höfuðborgarsvæðisins er afhendingartíminn lengri.
Athugið að ekki er send tilkynning eða póstur þegar númeraplötur eru tilbúnar.
Kostnaður
Ein númeraplata kostar 6.736 krónur og tvær plötur kosta 13.472 krónur. Ef óskað er eftir flýtiafgreiðslu kostar það aukalega 3.341 króna.
Ef númeraplötur eru pantaðar í gegnum Ísland.is berst reikningur í stafrænt pósthólf.
Útlit á númeraplötum
Hefðbundin skráningarmerki og eru notuð á flest skráningarskyld ökutæki
Eru hvít með bláum stöfum og fást í stærðum A, B, C og D eftir gerð ökutækis
Áletrun merkjanna samanstendur af bókstöfum og tölustöfum
VSK merki eru notuð á bifreiðum sem skráðar eru í notkunarflokkinn VSK ökutæki
Eru hvít með rauðum stöfum og ramma og fást í stærðum A, B og D
Áletrun merkjanna samanstendur af bókstöfum og tölustöfum
Einkamerki má skrá á bifreiðar og bifhjól. Ekki er heimilt að skrá einkamerki á ökutæki sem bera aðrar tegundir skráningarmerkja, svo sem VSK merki, utanvegamerki eða undanþágumerki.
Eru hvít með bláum stöfum og fást í stærðum A, B, C, og D
Áletrun merkjanna geta verið tveir til sex íslenskir bókstafir eða tölustafir
Ekki er heimilt að nota áletrun sem
Getur valdið ruglingi við önnur skráningarmerki
Brýtur í bága við íslenskt málfar
Er líkleg til að valda hneykslun
Sendiráðsmerki eru notuð á ökutækjum sem skráð eru í notkunarflokkinn sendiráðsökutæki.
Eru græn með hvítum stöfum og fást í stærðum A, B, C og D
Áletrun merkjanna hefst á bókstöfunum CD og inniheldur auðkenni þess ríkis sem ökutækið tilheyrir
Undanþágumerki eru notuð á ökutækjum sem skráð eru í notkunarflokkinn undanþáguökutæki
Eru hvít með grænum stöfum og fást í stærðum A, B og D
Áletrun merkjanna fylgja sömu reglum og gilda um almenn skráningarmerki
Utanvegamerki eru notuð á ökutækjum sem skráð eru í notkunarflokkana beltabifreið, náumökutæki og flugvallarökutæki. Þau eru einnig notuð á dráttarvélum sem eru aðallega notaðar utan opinberra vega.
Eru hvít með grænum stöfum og fást í stærðum A, B og D
Áletrun merkjanna fylgja sömu reglum og gilda um almenn skráningarmerki
Torfærumerki eru notuð á ökutækjum í ökutækjaflokknum torfærutæki
Bílaumboðum er heimilt að nota reynslumerki á óskráð ökutæki vegna flutnings, reynsluaksturs eða kynningarstarfsemi.
Eru rauð með svörtum stöfum og fást í stærðum A, B, C og D
Áletrun merkjanna hefst á bókstöfunum RN og fylgja þeim þrír tölustafir
Eru notuð þegar búnaður eða farmur skyggir á skráningarmerki ökutækis.
