Öryggi við notkun hlaupahjóla, hjólabretta og línuskauta

Öryggisbúnaður

Ráðlagt er að nota öryggis- og hlífðarbúnað, líkt og hjálm og hlífar á olnboga, úlnlið og hné, þegar ferðast er í umferðinni á:

• hlaupahjóli

• hjólabretti

• línuskautum

• öðrum leiktækjum

Mikilvægt er að fara eftir umferðarreglum fyrir gangandi vegfarendur, því slys á hlaupahjóli, hjólabretti, línuskautum og öðrum leiktækjum í umferðinni eru nokkuð algeng og áverkarnir geta verið alvarlegir. Til að minnka líkur á slysum þarf að:

• gæta þess að vera sem best sjáanleg með endurskini, áberandi klæðnaði og/eða ljósum.

• nota ávallt réttan öryggisbúnað

• fylgjast með ástandi leiktækja, því mörg slys má rekja til bilunar í leiktæki

Vegfarendur á hlaupahjóli, hjólabretti eða línuskautum skulu

• nota gangstétt eða gangstíg

• halda sig hægra megin og fara fram úr öðrum vinstra megin

• taka tillit til gangandi vegfarenda og víkja fyrir þeim

• nota yfirborð með sléttu undirlagi, þar sem er ekki umferð

• ekki að vera á akbrautum