Ég hef gleymt/týnt Íslyklinum mínum. Hvað geri ég?
Þú getur pantað nýjan Íslykil og fengið hann sendan í heimabankann eða í bréfpósti á lögheimili.
Það verða þó að líða tvær klukkustundir frá því að pantað var síðast.
Rangur Íslykill, hvað geri ég?
Hakaðu í litla reitinn aftan við Íslykilssvæðið, þá sérðu hvað þú hefur slegið inn.
MAC-notendur athugið: Í Safari og Google Crome vöfrum fyrir MAC, skila broddstafir (á, é, í, ó, ú, og ý) sér ekki rétt þegar þeir eru slegnir inn í Íslykilsreitinn, nema hakað sé í litla reitinn aftan við áður en Íslykill er sleginn inn. Þegar MAC-notandi velur sér nýjan Íslykil til að nota framvegis er því mælt með að þessum broddstöfunum sé sleppt.
Athugaðu að ef þú slærð oftar en tíu sinnum í röð inn rangan Íslykil þá læsir kerfið þig úti þar til á miðnætti.
Alltaf er hætta á villum þegar orð eru slegin inn í blindni. Íslykill getur líka innihaldið íslenska sérstafi og hægt er að ruglast þegar reynt er að slá þá inn án þess að sjá þá birtast á skjánum. Þess vegna er gott að geta skoðað lykilorðið sitt áður en smellt er á staðfestingarhnappinn. Gættu þess bara að enginn sé að horfa yfir öxlina á þér því að Íslykillinn á að vera leynilegur.
Mér tekst ekki að breyta Íslyklinum!
Þegar verið er að búa til Íslykil til framtíðar, þá auðveldar það val á lyklinum að hafa hann sýnilegan við innslátt. Það er gert með haka í litla reitinn aftan við Íslykilssvæðið áður en lykillinn er sleginn inn.
Þegar stikan er orðin græn er styrkur lykilsins orðinn nægur. Athugaðu að græna stikan þarf ekki að ná alla leið.
Hvar finn ég Íslykilinn minn í heimabankanum?
Tegund skjals er „Íslykill frá Þjóðskrá Íslands“.
Hér er yfirlit yfir geymslustaði skjalsins í bönkunum. Athugaðu að það getur tekið 5–10 mínútur þar til skjalið berst í heimabankann.
Arion banki: Yfirlit/Rafræn skjöl
Íslandsbanki Yfirlit/Netyfirlit – rafræn skjöl
Landsbanki: Yfirlit/Rafræn skjöl
Get ég fengið Íslykil fyrir barnið mitt í heimabanka?
Forráðamenn geta ekki fengið Íslykil barns sendan í eigin heimabanka. Ef barnið er hins vegar með heimabanka á eigin kennitölu þá er hægt að senda Íslykilinn þangað. Annars þarf að láta senda Íslykilinn á lögheimili barnsins.
Hvernig breyti ég Íslyklinum mínum?
Þú þarft alltaf að breyta nýjum Íslykli sem þú færð afhentan. Þú ert beðin(n) um að breyta, þegar þú skráir þig inn í fyrsta skipti með nýja lyklinum.
Ef þú vilt breyta Íslyklinum síðar ferðu inn á „Mínar síður“ á Ísland.is (Opnast í nýjum vafraglugga) og velur stillingar. Þar finnurðu hnapp til að breyta.
Hvernig breyti ég farsímanúmeri og netfangi?
Með Íslykli: Í bili er leiðin sú að þú sækir um nýjan Íslykil. Þá þarftu að breyta Íslyklinum og um leið býðst þér möguleiki að breyta farsímanúmeri og netfangi.
Með rafrænum skilríkjum: Þú skráir þig inn á Mínar síður (Opnast í nýjum vafraglugga) með rafrænu skilríki og velur stillingar. Þar finnurðu hnapp til að breyta.
Ég pantaði Íslykil í bréfpósti og hann er ekki kominn!
Íslykill er sendur í A-pósti og berst yfirleitt á þriðja til fjórða virka degi frá pöntun. Dæmi: Ef pantað er á mánudegi berst Íslykillinn yfirleitt á miðvikudegi eða fimmtudegi.
Þjónustuaðili
Stafrænt Ísland