Sækja um endurnýjun ökuskírteina - 65 ára og eldri

Umsóknarferli

Einstaklingar sem eru 65 ára eða eldri:
Fylla þarf út stafræna umsókn sem nálgast má hér að ofan.

• Ef endurnýja á eldri aukin ökuréttindi, C-74, CE-76, D-75 og DE-77, þarf að skila læknisvottorði með í umsóknarferlinu.

• Þegar læknisvottorð hefur verið yfirfarið og samþykkt er skírteini pantað og afhent samkvæmt afhendingarmáta sem valinn var í umsóknarferlinu.

• Í umsókninni er hægt að sækja mynd og undirskrift úr skilríkjaskrá, að því gefnu myndin sé yngri en 10 ára eða nota mynd sem þegar er til í ökuskírteinaskrá.

  • Ef umsækjandi uppfyllir ekki skilyrði fyrir útgáfu íslenskra skilríkja þarf að skila inn mynd áður en sótt er um stafrænt.

  • Ef umsækjandi hefur breytt nafni eða kyni þarf að endurnýja skilríki áður en hægt er að nýta mynd úr skilríkjaskrá eða koma með mynd og gefa undirskrift á skrifstofu sýslumanns áður en sótt er um stafrænt.

• Umsækjendur sem hafa náð 75 ára aldri þurfa alltaf að leggja fram læknisvottorð með umsókn sinni.

Einstaklingar 65-75 ára - endurnýjun án læknisvottorðs:
Einstaklingar á aldrinum 65-75 ára sem hyggjast eingöngu endurnýja A-, B- eða BE-réttindi þurfa ekki að skila læknisvottorði.

Skila þarf nauðsynlegum gögnum á næstu skrifstofu sýslumanns, þar sem metið er hvort skilyrði fyrir endurnýjun ökuskírteinis séu uppfyllt.

Afgreiðslu og afhendingarferli

Afgreiðslutími ökuskírteina er allt að 7 virkir dagar frá því að umsókn berst og ökuskírteini er pantað

Hægt er að fá ökuskírteini afhent á eftirfarandi vegu:

• Sent í pósti (póstburðgjald bætist við)

• Sækja í afgreiðslu sýslumanna.

Stafrænt ökuskírteini uppfærist í Ísland.is appinu um leið og ökuskírteini er pantað, hægt er að óska eftir bráðabirgðaakstursheimild á pappír ef t.d. aðilar eru að taka aukin ökuréttindi eða eru ekki með rafræn skilríki.

Ef meira en 2 ár líða frá því að ökuréttindi renna úr gildi þarf viðkomandi að taka próf í aksturshæfni áður en réttindin fást endurnýjuð.

Kostnaður  

Endurnýjun ökuskírteinis fyrir 65 ára og eldri kostar 1.800 krónur.

Gildistími B, BE og A ökuréttinda:

Gildistími aukinna ökuréttinda:

Læknisvottorð

Heimilislæknir athugar meðal annars sjón, heyrn, hreyfigetu og annað sem getur haft áhrif á aksturshæfni. Sú staða getur komið upp að læknir vilji ráðfæra sig við annað fagfólk eða telji ekki rétt að endurnýja ökuskírteinið.

Takmörkun ökuréttinda

Ökuskírteini má gefa út til styttri tíma en fram kemur hér á undan. Það má líka takmarka ökuréttindi við ökutæki af sérstakri gerð eða með sérstökum búnaði, ef nauðsyn krefur til að auka öryggi í akstri. Takmörkunin kemur þá fram á ökuskírteini með sérstakri tákntölu.