Almenn fiskveiðileyfi í atvinnuskyni

Almenn veiðileyfi eru tvenns konar:

Aflamarksveiðileyfi

Aflamarksveiðileyfi eru án takmarkana á:

• á stærð skipa,

• löglegum veiðarfærum. 

Krókaaflamarksveiðileyfi

Krókaaflamarksveiðileyfi eru bundin ákveðnum skilyrðum:

• Skip þurfa vera styttri en 15 metrar og minni en 30 brúttótonn.

• Veiðar eru takmarkaðar við línu og handfæri.

• Óheimilt er að flytja aflaheimildir úr krókaaflamarkskerfi í aflamarkskerfi, nema í jöfnum skiptum.  

Skilyrði fyrir veitingu almennra veiðileyfa

Til að hægt sé að veita almennt veiðileyfi þurfa eftirfarandi skilyrði að vera uppfyllt:

• Umsækjandi þarf að vera útgerðaraðili skipsins.

• Skip þarf að hafa gilt haffærisskírteini hjá Samgöngustofu.

• Skip þarf að vera skráð sem fiskiskip hjá Samgöngustofu.

• Skip þarf að vera skuldlaust við Fiskistofu.

• Íslenskt eignarhald þarf að vera á skipinu og útgerð þess.

• Ekki er hægt að fá veiðileyfi fyrir svokallaða „þróunarsjóðsbáta“.

Gildistími leyfis

Leyfi gildir frá og með útgáfudegi og gildir svo lengi sem skipi er haldið til fiskveiða.

Hvenær fellur leyfið fellur niður?

Leyfið fellur niður við eftirfarandi aðstæður:

• Hafi skipinu ekki verið haldið til fiskveiða í atvinnuskyni í tólf mánuði.

• Ef skip er tekið af skrá Samgöngustofu. 

• Ef eigendur eða útgerð skips upfylla ekki skilyrði laga um:

  • fjárfestingu erlendra aðila í atvinnurekstri,

  • veiðar og vinnslu erlendra skipa í fiskveiðilandhelgi Íslands.

Greitt er með greiðslukorti í umsóknarferli og kostar leyfið 22.000 krónur