Ríkið ber ábyrgð á tiltekinni grunnþjónustu samfélagsins og einstaklingar eiga að geta treyst á aðgengileg og vönduð úrræði sem stuðla að velferð, öryggi og virkri þátttöku í samfélaginu.

Starfsfólk ríkisins er í lykilhlutverki við að veita opinbera þjónustu. Því er mikilvægt að ríkið laði að og haldi í fjölbreyttan hóp starfsfólks sem býr yfir víðtækri reynslu og færni og sem beitir skapandi hugsun við lausn flókinna viðfangsefna á hverjum tíma.

Forsenda framúrskarandi opinberrar þjónustu er stefnumiðuð og aðlögunarhæf mannauðsstjórnun sem skapar eftirsóknarvert starfsumhverfi þar sem hæfni starfsfólks fær notið sín til fulls.

Með innleiðingu stefnu ríkisins í mannauðsmálum verða sett fram leiðbeinandi viðmið og verklag sem nýtist fyrir markvissa mannauðsstjórnun hjá ráðuneytum og stofnunum ríkisins. Tilgangur, skýrar væntingar, að tekið sé eftir því sem vel er gert, hrós, tækifæri til vaxtar og jákvætt starfsumhverfi er til þess fallið að draga fram það besta í starfsfólki ríkisins. Stefnan er sú fyrsta sinnar tegundar hjá ríkinu og verður endurskoðuð eigi síðar en að fimm árum liðnum. Í stefnunni eru fimm markmið og áherslur sem er ætlað að beina sjónum að þeim lykilþáttum í mannauðsmálum ríkisins sem stuðla að jákvæðri þróun.

Aðgerðaáætlun, sem gefin er út samhliða, vinnur markvisst að markmiðum stefnunnar.

Lykilviðfangsefni til næstu ára: