Vigtun og skráning afla

Öllum afla sem er landað á Íslandi á að vigta í löndunarhöfn við löndun. Að lokinni vigtun á hafnarvog skrá viðkomandi hafnaryfirvöld niðurstöður vigtunar í gagnagrunn Fiskistofu, GAFL.

Við vigtun á hafnarvog á:

• að nota löggilta vog í eigu viðkomandi hafnar.

• löggiltur vigtarmaður annast vigtunina.

Ísfrádráttur við hafnarvigtun

• Ef aflinn er íslaus á hafnarvigtarmaður að ljúka vigtun án ísfrádrags.

• Ef ís er í aflanum er hafnarvigtarmanni heimilt að:

  • draga allt að 3% frá vegnum afla sem ísfrádrag.

  • senda aflann til endurvigtunar ef áætlað íshlutfall er hærra en 3%.

Endurvigtun

Endurvigtun felur í sér að ísaður afli, sem áður hefur verið veginn á hafnarvog, er vigtaður íslaus hjá leyfishafa. Afli er þá annaðhvort:

• heilvigtaður

• úrtaksvigtaður

Niðurstöður endurvigtunar hjá leyfishafa eru sendar til löndunarhafnar sem skráir upplýsingarnar í GAFL.

Skilyrði fyrir endurvigtunarleyfi

Eftirfarandi skilyrði þurfa að vera uppfyllt:

• Löggilt vog sé notuð.

• Löggiltur vigtarmaður annist vigtun.

• Húsnæði þar sem vigtun fer fram sé samþykkt af Matvælastofnun.

• Aðbúnaður standist kröfur um:

  • nægilegt rými til vigtunar

  • viðeigandi vigtarbúnað

  • aðstöðu til þess að aðskilja ís frá afla

Heimavigtun

Fiskistofu er heimilt að veita leyfi til heimavigtunar afla. Heimavigtun felur í sér undanþágu frá vigtun á hafnarvog ef veruleg vandkvæði eru á vigtun aflans á hafnarvog.

Skilyrði fyrir heimavigtunarleyfi

Heimavigtunarleyfi eru háð ríkari skilyrðum en endurvigtunarleyfi. Heimavigtunarleyfi eru einungis veitt að fenginni jákvæðri umsögn hafnaryfirvalda í viðkomandi höfn sem hafa eftirlitsskyldur með heimavigtunarleyfishöfum.

Við heimavigtun á að:

• nota sjálfvirka vog sem vigtar allan afla með samfelldum hætti.

• senda niðurstöður vigtunar til viðkomandi löndunarhafnar sem skráir upplýsingar í GAFL.

• gera ríkar kröfur um innra eftirlit hjá viðkomandi fyrirtæki.

Vigtunarleyfi sjálfstæðra aðila

Fiskistofu er heimilt að veita aðilum leyfi til vigtunar á ábyrgð og í umboði hafnaryfirvalda.

Skilyrði fyrir leyfisveitingu

Leyfishafi má ekki:

• eiga beina eignaraðild að útgerðarfyrirtæki eða fiskvinnslu.

• annast eða hafa milligöngu um sölu afla.

• hafa hagsmuna að gæta sem geta dregið óhlutdrægni hans í efa.