Styrkumsókn til Bjargráðasjóðs

Umsókn um styrk vegna kaltjóna

Bjargráðasjóður hefur sett sér verklagsreglur vegna kaltjóna á Norður- og Austurlandi vorið 2024. Umsóknum er skilað í gegnum Bændatorg. Vinsamlegast lesið vel leiðbeiningarnar sem fram koma í verklagsreglunum til að tryggja skilvirka úrvinnslu umsókna.

Verklagsreglur vegna kaltjóna á Norður- og Austurlandi vorið 2024.

Um Bjargráðasjóð

Bjargráðasjóður er sjálfstæð stofnun í eigu ríkisins sem veitir einstaklingum og félögum fjárhagsaðstoð til að bæta meiri háttar beint tjón af völdum náttúruhamfara.

Náttúruhamfaratrygging Íslands annast umsýslu Bjargráðasjóðs. 

Bjargráðasjóður veitir styrki til að bæta tjón á:

• á girðingum, túnum og heyi

Af völdum óvenjulegs:

• kulda, þurrka, óþurrka eða kals

Ekki eru veittir styrkir vegna tjóna sem:

• njóta almennrar tryggingaverndar eða hægt er að fá bætt með öðrum hætti.

• valdið er af ásetningi eða gáleysi.

• verða á stærri mannvirkjum, svo sem orku- og hafnarmannvirkjum, sjóvarnargörðum, fiskeldismannvirkjum og skipasmíðastöðvum.

Fram þarf að koma góð lýsing á skemmdum og tjóni.

• Ef tjón verður á girðingum, þarf að koma fram tegund og samsetning girðingar (gaddavír / net / rafmagn / tréstaurar / stálstaurar), aldur, ástand fyrir atburð, lengd á skemmdu svæði og fjöldi brotinna staura.

• Ef tjón eða uppskerubrestur verður á heyi vegna kulda, þurrka, óþurrka eða kals, þarf
  að leggja fram upplýsingar um heyforða úr haustbók síðustu þriggja ára á undan.

• Ljósmyndir, loftmyndir með skýringum, eða önnur gögn sem sýna umfang tjóns.

Hægt er að lesa sér til um lög um Bjargráðasjóð og reglugerðir fyrir Bjargráðasjóð.