Nýliðunarstyrkir Rannsóknasjóðs

Nýliðunarstyrkir eru nýr styrkflokkur sem hefur það að markmiði að gera framúrskarandi ungu vísindafólki kleift að byggja upp sjálfstæðar rannsóknir við íslenska háskóla eða rannsóknastofnanir.

Styrkirnir eru ætlaðir umsækjendum með þriggja til tíu ára rannsóknareynslu eftir doktorspróf sem hafa sýnt framúrskarandi árangur. Styrkurinn er persónubundinn og hann má flytja á milli gestgjafastofnana á Íslandi en styrkþegi getur ekki flutt styrkinn með sér til stofnana utan Íslands. 

Umsækjandi um nýliðunarstyrk getur ekki verið verkefnisstjóri eða aðalrannsakandi (PL/PI) umsóknar í öðrum styrkflokki. 

Yfirlýsing frá gestgjafastofnun, undirrituð af til þess bærum aðila, um að umsækjandi muni hafa starfsog rannsóknaraðstöðu þar á styrktímabilinu skal fylgja umsókn. 

Hægt er að sækja um laun, rekstrarkostnað, ferðakostnað, birtingarkostnað og kostnað vegna tækjakaupa og aðkeyptrar þjónustu. Nýliðunarstyrkir eru veittir í allt að 60 mánuði.

Víðað er til handbókar Rannsóknarsjóðs fyrir frekari upplýsingar.