Styrkir til námsorlofs í framhaldsskólum

Kennarar, náms- og starfsráðgjafar, skólameistarar og aðrir stjórnendur framhaldsskóla sem hafa starfað í a.m.k. fimm ár við kennslu eða stjórnunarstörf.

Umsóknum er skilað gegnum rafrænt umsóknarkerfi Rannís - Mínar síður.

Í umsókn um námsorlof skal m.a. taka fram eftirfarandi:

• hvernig umsækjandi hyggst verja námsorlofinu og hvernig ætlað er að það muni nýtast í starfi,

• upplýsingar um menntastofnun þar sem ráðgert er að stunda nám á orlofstíma. Sé ekki um reglulegt nám að ræða, heldur styttri námskeið, þjálfun eða annars konar námsdvöl, skal gera ítarlega grein fyrir tilhögun námsins,

• hvort umsækjandi hefur áður fengið námsorlof kennara,

• rökstuðningur skólameistara fyrir umsókn um leyfi til endurmenntunar einstakra kennara, náms- og starfsráðgjafa eða stjórnenda sem sótt er um orlof fyrir í nafni skóla,

• aðrar upplýsingar sem umsækjandi telur skipta máli.

Umsækjandi um námsorlof skal upplýsa skólameistara um umsókn sína.

Tekið er á móti fyrirspurnum í netfanginu namsorlof.framhaldsskola@rannis.is eða í síma 515 5881.