Doktorsnemastyrkur Rannsóknasjóðs

Styrkir ætlaðir doktorsnemum sem sækja um í eigin nafni en í samráði við leiðbeinendur. Umsækjendur verða að vera með samþykkt doktorsverkefni (með eða án fyrirvara/skilyrða um fjármögnun) við íslenskan háskóla og vottorð þess efnis frá framhaldsnámsnefnd viðkomandi deildar/sviðs, eða samsvarandi, skal fylgja umsókn. Doktorsgráðan skal vera veitt frá íslenskum háskóla en möguleiki er á sameiginlegri gráðu með erlendum háskóla. Gerð er krafa um meðmælabréf frá tveimur sérfræðingum sem ekki eru þátttakendur í umsókninni og tilgreinir umsækjandi nöfn og netföng þeirra í rafræna umsóknarkerfinu. 

Doktorsnemastyrkir eru persónubundnir og veittir í allt að 36 mánuði; sjá nánar um styrkupphæðir í Töflu 2. Ef aðeins er sótt um styrk til 12 eða 24 mánaða lækkar hámarksstyrkur sem því nemur. 

Doktorsnemastyrkir eru ætlaðir nemum sem eru í fullu doktorsnámi og þiggja ekki laun fyrir aðra vinnu, að undanskilinni kennslu að hámarki 20% af starfshlutfalli. 

Einungis er hægt að sækja um laun og ferðakostnað doktorsnemans.

Víðað er til handbókar Rannsóknarsjóðs fyrir frekari upplýsingar.

Sjá einnig heimasíðu Rannsóknasjóðs.