Verkefnisstyrkur Rannsóknasjóðs

Af styrkflokkum Rannsóknasjóðs er flokkur verkefnisstyrkja sá stærsti. Rannsóknarverkefni geta verið af ýmsum toga og á öllum sviðum vísinda og fræða; sjóðurinn er opinn samkeppnissjóður og leggur ekki áherslu á eitt svið frekar en annað. Það getur styrkt umsóknir á ákveðnum fræðasviðum ef rannsóknahópur stendur að þeim. Jafnframt styrkir þjálfun ungra vísindamanna með þátttöku framhaldsnema og/eða nýdoktora umsóknina. 

Fyrir verkefnisstjóra er gerð krafa um að lágmarki þriggja ára rannsóknareynslu eftir doktorspróf. 

Ekki er hægt að vera verkefnisstjóri eða aðalrannsakandi (PL/PI) á fleiri en einni umsókn um verkefnisstyrk. 

Hafi aðalrannsakandi (PL) eða verkefnisstjóri (PI) hlotið verkefnisstyrk úr Rannsóknasjóði í síðustu úthlutun getur viðkomandi ekki sótt um verkefnisstyrk.

Hægt er að sækja um laun, rekstrarkostnað, ferðakostnað, birtingarkostnað og kostnað vegna tækjakaupa og aðkeyptrar þjónustu. Verkefnisstyrkir eru veittir í allt að 36 mánuði.