Óveruleg breyting á deiliskipulagi – Birkimelur í Varmahlíð.

Sveitarstjórn Skagafjarðar samþykkti á 40. fundi sínum 27. ágúst 2025 óverulega breytingu á deiliskipulagi Birkimels í Varmahlíð.

Númer lóðar breytist úr Birkimel 21-23 í Birkimel 21. Skilmála um lóðargerð er breytt úr P (parhús) í E (einbýlishús). Bílastæðum og hámarks nýtingarhlutfalli er breytt til samræmis við aðrar einbýlishúsalóðir. Þrjú bílastæði, norðanvert á lóð, hámarks nýtingarhlutfall sett í 0,30. Einnig er skilmálinn í greinargerð um að þakskegg skulu að jafnaði ekki ná lengra en 20 cm út fyrir ystu brún veggjar felldur út.

Ofangreind deiliskipulagsáætlun hefur hlotið þá meðferð sem skipulagslög nr. 123/2010 mæla fyrir um og öðlast þegar gildi.

B deild — Útgáfudagur: 13. nóvember 2025