1. gr. Stærð og takmörk hafnarinnar.

1. gr. reglugerðarinnar orðist svo:

Hafnarsvæði.

Skilgreint starfssvæði Hafnarfjarðarhafnar skiptist í: Skipulagssvæði, hafnsögusvæði, þjónustusvæði, hafnsvæði farþegaskipa og innri höfn.

Hafnarsvæði Hafnarfjarðarhafnar er fyrir allri strandlengju lögsagnarumdæmis Hafnarfjarðar. Lega og hnitpunktar hafnarsvæðanna eru sýnd á korti sem birt er sem fylgiskjal með reglugerð þessari og er hluti hennar.

Takmörk á sjó eru:

Ystu mörk þjónustu- og hafnsögusvæðis.

Takmörk á landi í Hafnarfirði eru:

Frá Rauðsnefi á norðurströnd hafnarinnar, Herjólfsgata, Norðurbakki, Fjarðargata, Strandgata sunnan Lækjargötu, Fornubúðir, Óseyrarbraut, Lónsbraut í línu við norðurenda Hvaleyrargranda í landfyllingu sunnan við Óseyrarbraut 21 og eftir strandlengju að norðurenda Hvaleyrargarðs.

Takmörk á landi í Straumsvík eru:

Fjaran á vesturströndinni og að auki allt landsvæði frá miðjum botni Straumsvíkur og Reykjanesbraut á austurströndinni sjávar megin við Víkurbraut út að vesturenda Súrálsbakka. Þaðan í hánorður út fyrir ystu sker Lambhagagranda og með landfyllingum í austur að Þórðarvík og öll strandlengjan þar á milli.

1. Skipulagssvæði á sjó og mengunarlögsaga nær að netlögum, sjávarbelti 115 m út frá stórstraumsfjöruborði.
2. Hafnsögusvæði og þjónustusvæði:
   Hafsvæði innan við línu úr Mararkletti í Gróttuvita og lína úr Balaklöpp til skurðar við áðurnefnda línu, 5.000 m frá meðalstórstraumsfjöru á Hraunsnesi.
   Hnitakerfi WGS84:
   64°02,48‘N – 22°07,75‘V
   64°04,88‘N – 22°05,61‘V
   64°04,69‘N – 21°59,00‘V 
3. Hafnarsvæði farþegaskipa:
   Innan línu sem dregin er frá Hvaleyrarhöfða í Helgasker og þaðan í Balaklöpp.
   Hnitakerfi WGS84:
   64°03,807‘N – 21°59,30‘V
   64°04,25‘N – 22°00,87‘V
   64°04,69‘N – 21°59,00‘V
4. Innri höfn, Hafnarfirði:
   Innan línu sem er dregin frá Hvaleyrargarði í Balaklöpp á norðurströnd hafnarinnar.
   Hnitakerfi WGS84:
   64°04,21‘N – 21°58,99‘V
   64°04,69‘N – 21°59,00‘V

2. gr. Gildistaka.

Reglugerð þessi, sem sett er samkvæmt 4. gr. hafnalaga, nr. 61/2003, og 17. gr. laga um vaktstöð siglinga, nr. 41/2003, staðfestist hér með til að öðlast þegar gildi og birtist til eftirbreytni öllum þeim sem hlut eiga að máli.

B deild — Útgáfudagur: 8. júlí 2026